Өвлийн жавар тачигнасан энэ өдрүүдэд Улаанбаатар хотод мөсөн сийлбэрүүдийг урлажээ. Олон улсын мөсөн сийлбэрийн тэмцээнийг 2025 оны нэгдүгээр сарын 23-26 хооронд Үндэсний цэцэрлэгт хүрээлэнд хоёр дахь удаагаа зохион байгуулсан нь энэ. Энэ жил “Мазаалай fest-2025” олон улсын мөсөн сийлбэрчдийн тэмцээнд ОХУ,БНХАУ, Малайз,Чех, Якут , Польш, Америк, Солонгос, Мексик зэрэг дэлхийн 10 орны 28 уран бүтээлчид 14 баг болон оролцож, шилдгүүдээ шалгаруулсан байна. Ингээд тэдний бүтээсэн мөсөн урлалын ертөнцөөр аялцгаая.