Валентины өдрөөр хаана, юу үзэх вэ?

Гэгээн хайрын баяр буюу "Валентин" ирэх хоёрдугаар сарын 14-нд болно. Тус өдөр ямар, ямар үзвэр тоглогдох талаар мэдээллийг нэгтгэн хүргэж байна.

“PERFUME” БҮРЭН ХЭМЖЭЭНИЙ ТОГЛОЛТ

Бидний хайртай амьд хөгжмийн хамтлаг A-Sound, The Lemons болон дуучин Choi joo нарын хамтарсан “Perfume” амьд хөгжийн бүрэн хэмжээний тоглолт хоёрдугаар сарын 14-нд "Asa Arena"-д болох гэж байна.

cody

"ХАЙРЫГ ХАЙРЛА" УЯНГЫН ДРАМЫН ЖҮЖИГ

Хүүхэд залуучуудын театрын нэрийн хуудас хэмээгддэг алдарт "Хайрыг хайрла" жүжиг ийнхүү төрөлх театрынхаа тайзнаа 40 жилийн дараа дахин тоглогдож байна. Тус жүжигт хосын харилцаа, хайрын үнэ цэн, нөхөрлөл гээд хайрын олон өнгийг харуулан, шинэ найруулга, шинэ тавилтаар тоглох аж. Гэр бүл салалт их байгаа энэ үед хайр дурлалын хамгийн чухал нь ухаан юм гэдгийг уг жүжигт харуулахыг зорьжээ.

"Хайрыг хайрла" жүжиг хоёрдугаар сарын 14-ний 19:00 цагт Улсын хүүхэд залуучуудын театрт тоглогдох бөгөөд, тоглолт 130 минут үргэлжлэх аж.

“ЗҮГЭЭРЭЭ ХАЙРАА” ВАЛЕНТИНЫ БАЯРЫН СУПЕР ТОГЛОЛТ

Тоглолтод Никитон Бачка, Харанга Лхагваа, Поп дива Сарантуяа, Сэрчмаа, Наран, Хар сарнай Амараа, Агиймаа, Баярцэцэг, Мишээл, Хишигдалай, Зоригт, Оюу, Амархүү нарын уран бүтээлчид оролцоно.

Тоглолт "UB palace"-д 14-ний 19:00 цагт эхэлж, 160 минут үргэлжлэх аж.

DAVAIDASHA "ШОКОЛАД" LIVE CONCERT

"ШОКОЛАД" Live concert-д хүрэлцэн ирснээр хайрын илэрхийлэл, халуун дулаан уур амьсгал, мартагдашгүй мөчүүдийг Davaidasha болон Aмьд хөгжмийн хамтлагтай хамтдаа бүтээх боломжтой. Тоглолтын зочин уран бүтээлчид одоогоор тодорхойгүй байгаа бөгөөд 16 доош насны үзэгчид харгалзах хүнтэйгээр нэвтрэнэ гэлгийг анхааруулжээ.

Тоглолт хоёрдугаар сарын 14-ний 19:00 цагт UG Arena-д болно.

"ХУВЬ ЗАЯАНЫ ГАЛТ ТЭРЭГ" ВИП ТОГЛОЛТ

МУСТА дуучин Мөөжиг гэгээн хайрын валентины баярыг тохиолдуулан эрхэм хосууддаа зориулж "Хувь заяаны галт тэрэг" вип тоглолтоо зохион байгуулах гэж байна. Уг тоглолтонд хит хайрын дуунуудаа амьд хөгжимтэй дуулахаас гадна зочин уран бүтээлчид ая дуугаа өргөх юм байна.