Оросын хөнгөн цагааны магнат Олег Дерипаскагийн 2.11 тэрбум гривен буюу 50.3 сая ам.доллартай тэнцэхүйц түүхий эдийн тээвэрлэлтийг Украин улс хоёр жилийн өмнө хориглож байжээ.

Тухайн цагаас хойш Дерипаскагийн эргүүлэн өгөх шаардлагыг үл ойшоож, хураан авсан болохыг Украины аюулгүй байдлын алба Лхагва гаригт мэдэгдлээ.

Тодруулбал, 2022 онд Орос бүрэн хэмжээний түрэмгийллээ эхлүүлсний дараа Украин Дерипаскагийн бүх үйлдвэрийг улсын өмч болгож, газар нутаг дээрээ байрлах Николайв хөнгөн цагааны үйлдвэрт хадгалагдаж байсан 500,000 метр боксит, хөнгөн цагааны ислийг хураан авсан байдаг.

Үүнээс өмнө Олег Дерипаска Украинд голчлон үйлдвэрээ ажиллуулдаг байжээ.

Дараа жил нь Украины хууль сахиулах байгууллага Николайв хөнгөн цагааны үйлдвэрт хадгалагдаж байсан боксит, хөнгөн цагааны ислийг тээвэрлэх боломжгүй болгож, хориг тавьсан юм. Дерипаскагийн үйлдвэрүүд Оросын “Искандер” баллистик пуужин, байлдааны нисгэгчгүй онгоц, радарын системд зориулсан эд анги үйлдвэрлэдэг гэж Украины аюулгүй байдлын алба мэдэгдсэн юм. Тиймээс Украины засгийн газар Дерипаскаг Оросын дайныг санхүүжүүлсэн гэж буруутгадаг. Барууны хоригт өртсөн тэрбумтан Дерипаскагийн хувьд  Оросын элитүүдийн дунд Кремлийн Украины эсрэг явуулж буй дайныг шүүмжилдэг билээ.

Гэхдээ гол төлөв уг дайны уршгаар бий болох эдийн засгийн асуудлыг хөндөж шүүмжилдэг юм.