АНУ-ын ерөнхийлөгч Дональд Трамп "Facebook", "Instagram"-ийн эзэн "Meta" компанийн зүгээс 25 сая ам.доллар авахаар болжээ. Тодруулбал, 2021 оны нэгдүгээр сарын 6-нд болсон  Капитолын үймээний дараа Трампийн "Facebook", "Twitter" зэрэг цахим хаягууд хаагдсан байдаг. Улмаар Трамп тухайн компаниудыг шүүхэд өгч, өөрийнх нь эрхийг хязгаарлахаас гадна олон нийтийн үзэл сурталд сөргөөр нөлөөлөх гэж хичээж байна гэж буруутгасан юм.

"Meta" компанийн зүгээс Трампийн бүх цахим хаягийг хоёр жилийн хугацаанд хориглож байсан ч 2024 оны долдугаар буюу АНУ-ын ерөнхийлөгчийн сонгуулийн үеэр хэвийн болгосон юм.

Түүнчлэн "Meta" компанийн гүйцэтгэх захирал Марк Зукерберг Трампийг дэмжиж, тангараг өргөх ёслолд нь нэг сая ам.доллар хандивласнаар тэдний харилцаа сайжирсан гэдгийг илэрхийлж байна. Шүүхийн дагуу шийдвэрлэгдэж олгогдох 25 сая ам.долларын 22 сая ам.доллар нь Трампийн ерөнхийлөгчийн номын санд зарцуулагдах бол үлдсэн нь түүний өмгөөллийн төлбөр, нэхэмжлэлд зарцуулагдах юм.