Цагаан сарын баяр гэх мэт урт амралтын өдрүүд хүмүүст баяр баяслыг авчирдаг ч гэлээ үүнтэй зэрэгцээд ядаргаа, стрессийг үүсгэдэг нь нууц биш. Үүнийг "баярын синдром" гэж нэрлэдэг.

Энэ үзэгдэл зөвхөн хүмүүст ч хамаатай бш юм. Гэрийн тэжээвэр амьтад ч "баярын синдром" мэдэрч байна. Тэдний хүрээлэн буй орчин гэнэт солигдсоноор биологийн хэмнэл нь алдагдаж, бие махбод, сэтгэцийн эрүүл мэндэд нь сөргөөр нөлөөлдөг. Тухайлбал, нохдод шүлс их хэмжээгээр гоожих, уйтгарлах, бөөлжих, мууранд тайван бус болох, шүлс гоожих, нойрмоглох шинж тэмдэг илэрдэг аж. Ялангуяа муурнууд тээврийн хэрэгслийн хөдөлгөөн, чичиргээнд тавгүйтэж, айдаг.

Энэ асуудалтай холбоотойгоор малын эмч Пак Жун Юн зөвлөгөө өгчээ.

Бөөлжилтийг нь багасгая гэвэл замд гарахаасаа дор хаяж гурван цагийн өмнөөс амьтнаа хооллох хэрэггүй. Хэрэв байдал хүндэрвэл малын эмчийн заавраар эм уулгаж болно. Энэ нь ихэвчлэн бөөлжилтийн эсрэг, эсвэл тайвшруулах эм байдаг.

Мөн удаан үргэлжлүүлэн явалгүй амрах газруудад тогтмол зогсох хэрэгтэй. Зарим улс зам дагуух амрах цэгүүддээ амьтанд зориулсан хэсэг тохижуулсан байдаг. Тухайлбал, Өмнөд Солонгос дахь 20 гаруй амралтын цэг нохойд зориулсан тоглоомын талбайтай.

Тоглоом, хөнжил гэх мэт дуртай зүйлсийг нь авч явж, тав тухтай орчин бүрдүүлэхийг хичээ. Мөн хоол, хөнгөн зууш, хог хийх уут, оосор, эм тариа гээд шаардлагатай зүйлсээ марталгүй авч явах хэрэгтэй.

Гэрийн тэжээвэр амьтнаа авч явах боломжгүй бол түр үлдээдэг асрах үйлчилгээ байдаг. Өмнөд Солонгосын нийслэл Сөүл хотын 17 дүүрэгт "Амьтны буудаллах төв" гэж бий.