Олон улсын мөсөн сийлбэрийн тэмцээн 2025 оны нэгдүгээр сарын 23-26 хооронд Үндэсний цэцэрлэгт хүрээлэнд хоёр дахь удаагаа зохион байгуулагдаж байна. Уг арга хэмжээ нь 2024 оноос Соёл, спорт, аялал жуулчлал, залуучуудын яамны санаачилгаар 2024 онд “SAVE MАZAALAI” арга хэмжээний хүрээнд “Sky Resort” цанын баазад анх удаагаа зохион байгуулагдаж долоон орны 24 уран бүтээлчид оролцож байсан бол энэ жил “Мазаалай fest 2025” нэрийн дор гадаад болон монгол 10 орны 28 уран бүтээлчид 14 баг болон оролцож байгаа аж.

Монгол Улсад хоёр дахь удаагаа зохион байгуулагдаж буй олон улсын мөсөн сийлбэрийн тэмцээнд ОХУ,БНХАУ, Малайз,Чех, Якут , Польш, Америк, Солонгос, Мексик болон Монгол Улсын уран бүтээлчид оролцож байна.

Энэхүү арга хэмжээ нь Монголын өвлийн аялал жуулчлалыг хөгжүүлэхэд түлхэц болохоос гадна олон улсад өөрийн орныг сурталчлах зорилготой. 2000 оны эхээр Монголд мөсөн сийлбэрийн урлаг танигдаж эхэлсэн ба өдгөө манай улсын уран бүтээлчид олон улсад тогтмол тэргүүн дэд байр эзлэн, Монгол орноо сурталчилж, уламжлалт гар урлал, хийц сэтгэлгээг шингээсэн бүтээлүүдээрээ дэлхийд нэгэнтээ танигдан байр сууриа олсон байна. Монгол уран бүтээлчид олон улсын нэр хүндтэй тэмцээн уралдаанд тогтмол амжилт гарган оролцохоос гадна, олон улсын шүүгч, зохион байгуулагчаар ажиллах болсон.
Энэ жил “WELCOME TO MONGOLIA” сэдвийн хүрээнд уран бүтээлчид бүтээлээ туурвиж байгаа ба тэмцээнд оролцож буй 14 багийн уран бүтээлчид өөрсдийн зохиомжоо гарган 14 өөр утга санаа илэрхийлэл бүхий бүтээл туурвих болно.