АНУ-ын Тагнуулын албаны төлөөлөгчд нууцын зэрэглэлтэй мэдээлэл өгч байсан орос эрэгтэйд 17 жилийн хорих ял өгсөн талаар "ТАСС" агентлаг мэдээлэв. Мөн ОХу-ын Холбооны аюулгүй байдлын албанаас Пүрэв гаригт "Москва хотын шүүх Дмитрий Аркадьевич Шатресовыг АНУ-ын талд эх орноосоо урвасан хэрэгт буруутай гэж үзлээ. Шатрэсов Д.А. нь төрийн нууцад хамаарах мэдээллийг хууль бус аргаар олж авч, гэмт хэргийн санаачилгаар удирдаж, Америкийн тагнуулын төлөөлөгч рүү шилжүүлэхийг санаархсан нь тогтоогдсон" гэ мэдэгдсэн байна.

Энэ талаар Москва дахь АНУ-ын Элчин сайдын яамнаас тайлбар өгөх хүсэлтэд татгалзсан байна. Шатресовын өмгөөлөгч мөн адил асуултад хариулахаас татгалзав. Лхагва гаригт ял сонссон 40 настай Шатресов Оросын нийслэлээс холгүй нэгэн хотод амьдарч, логистикийн чиглэлээр ажилладаг байжээ. Шүүх хурал хаалттай болсон бөгөөд эх орноосоо урвасан хэргүүд цагаатгадаггүй аж.

Украинд дайн эхэлснээс хойш Оросын тагнуулын байгууллага гадаадын агент, тагнуулчдыг дарах ажиллагаа явуулж буй. Мөн энэ төрлийн яллах ажиллагаа сүүлийн гурван жилд эрс нэмэгдсэнийг статистик үзүүлэлтээс харж болно. Одоогийн байдлаар дор хаяж 792 хүн эх орноосоо урвасан, тагнуул хийсэн, гадаадын улстай хамтран ажилласан гэсэн үндэслэлээр буруутгагдаж байгааг Оросын хуульчдын холбооны "Первый Отдел" (Нэгдүгээр хэлтэс) ​​мэдээлэв.