Төрийн ордонд "Зуух түлшний технологи” сэдвээр хэлэлцүүлэг зохион байгуулж байна. Хэлэлцүүлэгт Улаанбаатар хотын захирагч Х.Нямбаатар агаарын бохирдол үүсгэж байгаа хүчин зүйл, мөн агаарын бохирдлыг бууруулах чилэлээр энэ онд хийх ажлаа танилцууллаа. Тэрбээр энэ үеэр мэдээлэл өгөхдөө "Эрчим хүчний яамнаас эх үүсвэрээ нэмэгдүүлэх хүсэлтэй нэг ч байгууллагыг хориглохгүй байгаа. Бид 8.4 центийг санал болгож, гэрээ хийх хүсэлтэй аж ахуйн нэгжүүдтэй гэрээ хийж байгаа. Баттерей станц бол эх үүсвэр биш. Олон нийтэд зөв мэдээлэл өгөх хэрэгтэй.

Ирэх долоо хоногт эрс хүйтэрч, -40 хэмд хүрэхээр яаж цахилгаан, дулаанаа таслахгүй байх вэ гээд байж байна.

Ирэх 2027 оны зургадугаар сарын сүүлчээс эхлэн эрчим хүчний хязгаарлалтаас гарна. Төв аймгийн Баян, Бөөрөлжүүтийн станцын дараагийн блок  ашиглалтад орно. Бидэнд санхүү төсвийн боломжийн тухай асуудал л байна. Цаашид газан хэрэглээг нийтийн хэрэглээнд нэвтрүүлэхийг зорьж ажиллана" гэв.

Цаг агаарын байгууллагаас 2025 оны нэгдүгээр сарын 23-нд баруун аймгуудын нутгийн баруун хэсгээр, 24-нд баруун болон төвийн аймгуудын нутгаар, 25-нд говь болон зүүн аймгуудын нутгаар цас орж, цасан шуурга шуурч, ихэнх нутгаар хүйтний эрч чангарах талаар мэдээлсэн. Мөн энэ өдрүүдэд зам, даваа, гүвээнд халтиргаа гулгаа үүсч, үзэгдэх орчин хязгаарлагдахыг анхааруулж байгаа юм.