АНУ-ын ерөнхийлөгч Дональд Трамп холбоотон орон болох Кубыг терроризмыг дэмжигч орнуудын жагсаалтад дахин оруулсан гэж Орос буруутгажээ. Мөн энэ арга хэмжээ нь арлыг тогтворгүй болгож, дэглэмийг нь санаатайгаар өөрчлөх зорилготой гэж мэдэгдэв. Тодруулбал, Кубыг терроризмыг ивээн тэтгэгчдийн хар жагсаалтаас хасах тухай Жо Байдены шийдвэрийг Трамп Даваа гаригт цуцалсан.

Үүнийг Кремлийн Гадаад хэргийн яамны төлөөлөгч Мария Захарова хэлэхдээ, "Трампийн тушаал нь Кубын байдлыг тогтворгүй болгон, эрх мэдлийг нь өөрчлөх гэж санхүү, эдийн засгийн хязгаарлалтыг нэмэгдүүлэх зорилготой" гэжээ.

Түүнчлэн, Куба бол терроризмын эсрэг олон улсын хамтын ажиллагаанд идэвхтэй оролцдог учраас энэ алхам нь ямар ч үндэслэлгүй гэж Захарова мэдэгдсэн байна. Тэрбээр "АНУ ийм арга хэмжээ авч буй нь арлын хүн амын амьдралын чанарт маш сөрөг нөлөө үзүүлнэ гэж ойлгох ёстой" гэж хэлсэн төдийгүй энэ нь "нийгмийн дургүйцлийг" өдөөх зорилготой гэж үзэж буйгаа илэрхийлсэн юм. Тиймээс Орос улс цаашид АНУ-аас болж үүсэх нөхцөл байдлыг үл харгалзан Кубад дэмжлэг үзүүлнэ гэж Захарова мөн мэдэгдэв.

Дашрамд дурдахад, өнгөрсөн жил Гадаад хэргийн сайд Сергей Лавров Кубад айлчилж байжээ. Мөн 2022 онд Москва Украины эсрэг дайн эхлүүлснээр Орос Кубын харилцаа сайжирсан байна.