Монакогийн вант улсын Монте-Карло хотод зохион байгуулдаг олон улсын "А" зэрэглэлийн циркчдийн  тэмцээнээс Монголын циркчид хос цом хүртжээ. Олон улсын тэмцээнд Монгол Улсын уран бүтээлчид өсвөр насны ангилалд хоёр үзүүлбэрээр оролцсон бөгөөд тэмцээний алтан цомыг Т.Буд багштай "Х-Roses" уран нугараачид хүртсэн бол хүрэл цомыг нь "Монгол циркийн хөгжлийн төв" ТББ-ын продюсер Н.Эрдэнэ, Н.Энхболд багштай акробатын залуу жүжигчид хүртсэн байна.