Газын зурваст үргэлжилсэн дайны төгсгөл ирж Хамас бүлэглэл Израилийн 33 иргэнийг ирэх зургаан долоо хоногийн хугацаанд суллах болсон. Үүний адил Израилийн Батлан хамгаалах яам 1900 палестин хоригдлыг суллах юм. Хамасын суллаж буй 33 хүн нь 1-86 насных бөгөөд эхний гурван хүнийг өнгөрсөн Ням гаригт сулласан. Эдгээр хүмүүс дунд мөн хоёр иргэншилтэй хүн ч бий. Хэлэлцээрийн явц одоог хүртэл үргэлжилж буй.

Лири Албаг, 19 настай Хамасын тэргүүлсэн халдлагын үеэр Албаг Израилийн зургаан эмэгтэй цэргийн хамт барьцаалсан. Түүнийг Газын хил дээрх Нахал Оз армийн баазаас хулгайлсан байна.

Карина Ариев, 20 настай Ариев барьцаалагдах үедээ Израилийн Нахал Оз баазад алба хааж байсан цэрэг байжээ.

Охад Бен Ами, 56 настай Герман, Израилийн иргэншилтэй нягтлан бодогч Бен Ами эхнэр Раз Бен Амигийн хамт Киббутз Беэри дэх гэрээс нь барьцаалжээ. Раз 2023 оны арваннэгдүгээр сард гал зогсоох хэлэлцээрийн хүрээнд суллагдсан.

Агам Бергер, 20 настай Бергер Израилийн армид алба хааж байсан бөгөөд Нахал Оз баазаас хулгайлагдсан юм.

Бибас гэр бүл 33 настай Шири, 35 настай Ярден, 5 настай Ариэл, 1 настай Кфир Бибас нарыг Аль-Мужахидин хөдөлгөөний дайчид Киббутц Нир Оз хотоос барьцаалсан байна. Тухайн үед Кфир 9 сартай байсан бөгөөд 2023 оны аравдугаар сарын 7-нд барьцаалагдсан хамгийн залуу нь байжээ. Одоогийн байдлаар Бибас гэр бүл амьд эсэх нь мэдэгдэхгүй байгаа юм. Ариэл, Кфир нар Хамасын хамгийн залуу хохирогчид тул барьцааны хүмүүсийг суллах хөдөлгөөний гол нүүр царай болсон. Хамгийн сүүлд ээж Шири нь хоёр хүүхдээ чанга тэвэрч, Хамасын дайчдаас зүгээр явуулахыг гуйж буй бичлэг ил болсноос хойш сураггүй байгаа. Гэхдээ Бибас гэр бүлийн нэр суллах хүмүүсийн нэрсийн жагсаалтад орсон тул ойрын гэр бүл нь цогцоснуудыг нь ч хамаагүй авахыг хүсч байгаа юм. Хамасын албаны мэдээлснээр, Ариэл, Кфир нар ээжийн хамт Израилийн бөмбөгдөлтөд өртөж нас барсан. Гэхдээ энэ нь албан бус мэдээлэл тул бүгд тэднийг эсэн мэнд байгаасай гэж залбирч байна. Энэ амралтын өдрүүдэд 9 сартайдаа барьцаалагдсан Кфирын 2 насны төрсөн өдөр болно.

Офер Калдерон, 54 настай Франц, Израилийн иргэн Калдерон өөрийн дөрвөн хүүхэд болох 12 настай Эрез, 16 настай Сахар нарын хамт Киббутц Нир Оз дахь гэрээсээ барьцаалагдсан байна. Хүүхдүүд 2023 оны арваннэгдүгээр сард суллагдсан.

Элия Коэн, 27 настай Коэн Новагийн хөгжмийн наадамд олзлогдсон.

Эмили Дамари, 28 настай Израиль, Их Британийн давхар иргэншилтэй Дамари Киббутц Кфар Азагаас хулгайлагджээ.

Сагуй Декел-Чен, 36 настай Британийн JNF UK буяны байгууллагын төслийн менежер, АНУ, Израилийн иргэн Декел-Чен Киббутц Нир Озоос олзлогдсон байна.

Итжак Элгарат, 69 настай Киббутц Нир Оз-д засвар үйлчилгээ хийдэг байсан Элгарат олзлогдохоосоо өмнө Киббутц Нир Оз дахь гэртээ буудуулж, шархаджээ. Тэрбээр Данийн иргэншилтэй.

Даниелла Гилбоа, 20 настай Израилийн цэрэг Гилбоаг Нахал Оз баазаас хулгайлсан байна.

Роми Гонен, 24 настай Гоненыг Нова фестивалаас хулгайлсан. Тэрбээр өнгөрсөн Ням гаригт суллагдсан.

Иэйр Хорн, 46 настай Аргентинаас Израиль руу нүүж ирсэн, продюсер Иэйр Хорн ах Эйтантай хамт Киббутц Нир Озоос хулгайлагдсан байна.

Цачи Идан, 50 настай Том охин 18 настай Мааяаныг нь Хамасын дайчид буудан хөнөөсөний дараа Иданыг гэрээс нь авч явсан байна.

Наама Леви, 20 настай Израилийн цэрэг Левиг Газын хилийн ойролцоох Нахал Оз дахь ажиглалтын баазаас хулгайлсан байна.

Ор Леви, 34 настай Тэрбээр Новагийн хөгжмийн наадамаас олзлогдсон. Түүний эхнэр Эйнав Элкаям Леви тэнд алагдсан байна. Тэд наадам руу явахаасаа өмнө хүүгээ гэр бүлийн гишүүнийхээ гэрт үлдээсэн байжээ.

Одед Лифшиц, 84 настай Лифшицийг Киббутц Нир Озоос эхнэр 85 настай Йочеведийнх нь хамт олзолж, 17 хоногийн турш хорьсон юм. Хосууд энх тайвны төлөө тэмцэгчид байсан бөгөөд Киббутц Нир Озыг үүсгэн байгуулагчдын нэг байв.

Шломо Манцур, 86 настай Иракт төрсөн Манцур бол Хамас бүлэглэлийн барьцаанд байгаа хамгийн өндөр настай хүн юм. Тэрбээр Киббутц Кисуфим дэх гэрээсээ нь хулгайлагдсан бөгөөд халдлагын үеэр 60 настай эхнэр Мазал нь зугтаж чадсан байна.

Авера Менгисту, 38 настай Этиоп гаралтай израиль хүн Менгисту 2014 онд Израилийн хилийг давж Газын зурвас руу орсныхоо дараа Хамас бүлэглэлд олзлогдсон юм. Тэрбээр Газын зурваст хамгийн удаан барьцаалагдаж буй хүн юм.

Гади Моше Мозес, 80 настай Тариачин, төмсний мэргэжилтэн Мозес Киббутц Нир Озоос хулгайлагдсан

Хишам аль-Сайед, 36 настай Израилийн бедуин шашинтнууд Хамас бүлэглэлийн мэдэлд 10 орчим жил болж байна. Тэрбээр 2015 оны дөрөвдүгээр сард Израилийг Газаас тусгаарласан хилийн саадыг хэрхэн давсан нь тодорхойгүй байна.

Элияху Шараби, 52 настай Шарабийг Киббутз Беэригээс 53 настай Йосси Шараби ахынх нь хамт барьцаалсан. Гэвч хожим ах нь алагдсан байна. Хамасын халдлагад Элияху Шарабигийн эхнэр Лианне болон хоёр хүүхэд нь амиа алдсан байна.

Омер Шем Тов, 22 настай Тэрбээр Новагийн хөгжмийн наадмаас олзлогдсон.

Тал Шохам, 40 настай Австри, Израилийн иргэншилтэй Шохам болон түүний гэр бүлийг Киббутз Беэригээс олзолсон. Түүний эхнэр хүүхдүүдийг сулласан ч Шохам олзлогдсон хэвээр байна.

Кит Сигел, 65 настай Израиль болон АНУ-ын давхар иргэншилтэй мэргэжлийн эмч Сигел 40 орчим жилийн өмнө АНУ-аас Израиль руу цагаачилж, Киббутц Кфар Азад суурьшсан. Гэвч 2023 оны аравдугаар сарын 7-нд эхнэр Авива Сигелийн хамт барьцаалагдсан юм. Авива дараа сард нь гал зогсоох богино хугацааны хэлэлцээрийн үеэр суллагдсан.

Дорон Штайнбрехер, 31 настай Штайнбрехер Киббутц Кфар Аза дахь байрнаасаа хулгайлагдсан байна.

Александр Труфанов, 29 настай ОХУ, Израилийн иргэн Труфанов 2023 оны аравдугаар сарын 7-нд хамаатан садныхаа хамт олзлогдсон байна.

Омер Венкерт, 23 настай Израилийн Кирят Экрон хотын нэгэн рестораны менежер Вэнкертийг Нова хөгжмийн наадмаас хулгайлсан байна.

Охад Яхаломи, 50 настай Израиль, Францын иргэн Яхаломи эхнэр Батшева, 12 настай хүү, гурван охиныхоо хамт Киббутц Нир Оз хотоос олзлогдсон байна. Түүний хүү Эйтаныг Газын зурваст аваачиж, 2023 оны арваннэгдүгээр сард сулласан. Эхнэр, охид нь зугтаж чадсан байна.

Арбел Йехуд, 29 настай Түүнийг найз залуу Ариэль Куниогийн хамт Киббутц Нир Оз дахь гэрээс нь хулгайлсан байна.