Хамас бүлэглэлийн зүүн жигүүр Кассам Бригадаас нийтэлсэн пропаганда бичлэгт барьцаалсан гурван израилийн иргэнд бэлгийн багц өгч байгаа харагдана. Дайныг дэгдээж, 471 хоногийн турш хорьсон атлаа суллах үедээ бэлгийн багц өгч буй явдал нь хачирхалтай байгааг эх сурвалжууд онцлов. Тодруулбал, энэ долоо хоногийн эхээр Газын зурвас гал зогсоох хэлэлцээрийн дагуу эхний ээлжийн Израилийн барьцаалагдсан иргэдийг сулласан.

Тухайн барьцааны хүмүүсийг хүлээлгэн өгөхдөө хүн бүрт гэрчилгээ, зүүлт, тэднийг Хамасын мэдэлд байсан үеийнх нь зураг бүхий ууттай бэлэг өгсөн байна.

Үүнийг Израилийн Аюулгүй байдлын алба дараа нь хураан авч, Хамасын бэлгийн багц өгч буй үйлдэл нь өөрсдийгөө хууль ёсны удирдах байгууллага гэж харуулах гэсэн оролдлого гэж шүүмжилжээ. Аюулгүй байдлын албаны мэдээлснээр, Хамас Газын зурваст хяналтаа тогтоож, протокол хөтөлдөг гэдгээ харуулахын тулд барьцаалсан хүмүүстээ тухайн бэлгийн уутыг өгсөн гэв. Мөн израиль болон газачуудыг олон улсын хамтын нийгэмлэгт эелдэг харилцаа тогтоож чадсан гэж харуулсан гэсэн санаа агуулсан гэж шүүмжилжээ.

Харин Хамасын өндөр албан тушаалтан бэлгийн багц тараасан талаар тайлбарлахдаа, "Барьцаалагдсан хүмүүсийг 471 хоногийн дараа сулласан нь бүлэглэлийн хувьд чухал мөч байсан" гэжээ.

Зарим ажиглагчдын үзэж буйгаар, Хамасын нийтэлсэн видео бичлэг нь Хамас бүлэглэлийн тэсвэр тэвчээрийг харуулж, Израилийг хий хоосон зүйлээс болж түрэмгийлж байсан гэж харуулах зорилготой гэв. Мөн АНУ-ын төрийн нарийн бичгийн дарга Антони Блинкен тэргүүтэй хэд хэдэн хүн "Хамас уг видео бичлэгээр дамжуулан өөрсдийгөө найрсаг бүлэглэл гэж сурталчилж, алдсан дайчдынхаа тоог нөхөх гэж оролдож байна" гэжээ.