Цөлөгдсөн Оросын сөрөг хүчний идэвхтэн Михаил Ходорковский Даваа гаригт болсон Дональд Трампийн тангараг өргөх ёслол уригджээ. Тэрбээр өөрийн "Х" хуудаснаа "Намайг урьсан учир оролцохоор шийдлээ" гэж нийтэлснээс гадна арга хэмжээний аюулгүй байдалд сэтгэл хангалуун байгаагаа илэрхийлсэн байна. Ходорковский хар хослол өмссөн зургаа мөн адил нийтэлсэн байна. Мөн Вашингтон хотын төвд байрлах "Capital One Arena" цэнгэлдэх хүрээлэнгийн доторх зургуудын хамт нэгдүгээр сарын 18-нд болсон “Засгийн газрын хүлээн авалт”-д оролцох зочны тасалбарыг хавсарган нийтэлжээ.

Нэгэн цагт Оросын хамгийн баян хүн байсан Ходорковский 2013 оны сүүлээр ерөнхийлөгч Владимир Путины өршөөлөөр суллагдаж, эх орноосоо явсан юм.

Кремлийн хувьд өнгөрсөн долоо хоногт Трампийн тангараг өргөх ёслолд төлөөлөгчөө илгээхгүй гэж мэдэгдэж байсан тул Ходорковский уригдсан нь олны анхаарлыг татав. Кремлийн туслах Юрий Ушаков өнгөрсөн Баасан гаригт сэтгүүлчдэд хэлэхдээ, "Тангараг өргөх ёслолд Оросыг хэн ч төлөөлөхгүй" гэж мэдэгдээд, хэрвээ түр хамаарагчийг уривал оролцоно гэж мэдэгдэж байсан юм. Трамп тангараг өргөх ёслолдоо гадаадын олон орны удирдагчдыг урьсан ч Кремлийн хэвлэлийн төлөөлөгч Дмитрий Песков Путиныг урьсан талаар мэдээлэл өгөөгүй байдаг.