АНУ-ын ерөнхийлөгчөөр сонгогдсон Дональд Трамп орон нутгийн цагаар нэгдүгээр сарын 20-ны өдрийн 12:00 цагт тангараг өргөнө. Үүнтэй холбогдуулан мэдвэл зохих 10 мэдээллийн хүргэж байна.

1. Цаг агаар хүйтэн байгаа тул тангараг өргөх болон илтгэл тавих арга хэмжээ Капитолын Лотунда танхимд болно. Вашингтон дахь "Capital One Arena"-д ёслол, парадыг шууд дамжуулах бөгөөд үйл ажиллагаа 11:30 цагт эхэлнэ. Трамп тангараг өргөхдөө ерөнхий шүүгч Жон Робертсийн удирдлага дор библи дээр гараа тавьж, "Би АНУ-ын ерөнхийлөгчийн албыг үнэнчээр гүйцэтгэж, АНУ-ын үндсэн хуулийг дээдлэн сахиж, хамгаалж, хамгаалах болно гэдгээ тангараглаж байна" гэж хэлэх юм. Үүний дараа дэд ерөнхийлөгч болох Ж.Д.Вэнс тангараг өргөнө. Энэ нь Мартин Лютер Кингийн өдөр тохиож байна.
2. Эл өдөр цаг агаар хамгийн дээд талдаа 4.4 хэмээс 13 хэм болтлоо хүйтэрнэ гэж тус улсын цаг уурын агентлаг таамаглаж байна. Мөн цас орох магадлалтай байгаа аж.
3. "CNN" агентлаг шөнө дундаас эхлэн нэвтрүүлж эхлэх бол Их Британи, Австрали зэрэг улсууд арга хэмжээ эхэлсэн даруй нэвтрүүлж эхэлнэ. "GUARDIAN" агентлаг мөн адил шууд дамжуулж, Трампийн хэлсэн үгсийг баримттай нь сурвалжлах аж. Мөн Цагаан ордны цахим хуудсаар шууд дамжуулна.
4. 2017 онд Трамп 13 минутын турш илтгэл тавьж байсан бол энэ удаад тэрбээр цагаачдыг албадан гаргах, худалдааны бодлого зэргээ онцолж магадгүй. Мөн ерөнхийлөгчийн тангараг өргөх ёслолын хүрээнд Капитолын үймээнд оролцсон хэргээр ял авсан хүмүүст өршөөл үзүүлэхээ мэдэгдэнэ.
5. Ёслолд технологийн салбарын магнат, ерөнхийлөгч асан, магадгүй гадаадын зарим удирдагчид оролцоно. Нээлтийн танхимд "TikTok"-ийн гүйцэтгэх захирал Шоу Зи Чев, "Мета" компанийн гүйцэтгэх захирал Марк Зукерберг, Амазоны гүйцэтгэх захирал Жефф Безос, "X" болон Теслагийн гүйцэтгэх захирал Элон Маск нар уригдсан байгаа. "Coinbase"-ийн гүйцэтгэх захирал Брайан Армстронг уригдсан ч оролцох эсэх нь тодорхойгүй байна гэж "Bloomberg" мэдээлэв. Мөн Барак Обама, Жо, Жилл Байден, Билл, Хиллари Клинтон, Жорж В, Лаура Буш нар оролцох төлөвтэй байна. Трампийн баг БНХАУ-ын дарга Ши Жиньпин зэрэг гадаадын хэд хэдэн удирдагчид урилга илгээсэн. Үүнд Сальвадорын ерөнхийлөгч Наиб Букеле, Унгарын ерөнхий сайд Виктор Орбан болон Аргентины ерөнхийлөгч Хавьер Майлей нар багтаж буй.  Төлөөлөгчдийн танхимын спикер асан, Калифорниа мужаас сонгогдсон ардчилагч Нэнси Пелоси оролцохгүй гэдгээ мэдэгдсэн. Нэмж дурдахад, аюулгүй байдлын үүднээс 25 мянган хууль сахиулах болон цэргийн албан хаагч, Вашингтон хотын цагдаа, үндэсний харуулын 7,800 цэрэг, улс орны өнцөг булан бүрээс ирсэн 4 мянган офицерын хамт хамгаалалтад гарна. Алдартнуудаас Жейк, Логан Пол, Тео Вон, Эмбер Рөүз, Кэйтлин Женнер, Мегин Келли нар ирж байгаа сурагтай.
6. Трамп, Вэнсийн тангараг өргөх хороо 170 мянган ам.доллар цуглуулсан төдийгүй таван том технологийн компаниас тус бүр нэг сая ам.долларын хандив ирсэн. Тухайлбал, "Microsoft", "Google",  "Toyota", "Ford" болон "General Motors" тус бүр хандив өгчээ. Үүнийг давуулан "Pfizer", "Hims & Hers", "Intuit and Robinhood" зэрэг худалдааны компани нийт 2 сая ам.долларын хандив өгсөн. Уг хандивын мөнгөөр тангараг өргөх ёслолын зохион байгуулж буй.
7. Тангараг өргөх ёслолын дараа Трампийн Виржиниа гольфийн клубт хэд хэдэн үдэшлэг болж салют буудуулна. Цукерберг ,Мириам Аделсон, Тилман Фертитта, Тодд Рикеттс зэрэг тэрбумтан ёслолын өмнөх хүлээн авалтыг зохион байгуулж байна.
8. Тангараг өргөх ёслолд Кэрри Андервуд, Ли Гринвуд нар оролцож дуу дуулна. Мөн сонгодог урлагаас гоцлол дуучин Кристофер Маккио төрийн дууллаа дуулах болжээ. Билли Рэй Сайрус, Кид Рок нар Мага раллид оролцох болно. Нээлтийн хороо мөн "Liberty Ball"-д соёл урлагийн номер үзүүлэх гэнэтийн зочид ирнэ гэв.
9. Трамп-Вэнс тангараг өргөх багийнхны мэдээлснээр, баярын арга хэмжээ бямба гаригт Трампийн Виржиниа гольфийн клубт хүлээн авалт, салют буудалтаар эхэлж, дараа нь засгийн газрын хүлээн авалт, дэд ерөнхийлөгчийн оройн зоогоор өндөрлөсөн. Ням гарагт Арлингтоны үндэсний оршуулгын газарт үл мэдэгдэх цэргүүдийн булшинд цэцэг өргөх ёслол, "Capital One Arena"-д "ялалтын жагсаал" болж, лааны гэрэлд оройн зоог барих юм. Тангараг өргөх өдөрт шинээр сонгогдсон удирдлага нар Гэгээн Жонс дахь сүмд айлчилж, дараа нь Цагаан ордонд Байдентай цай ууна. Үд дунд тангараг өргөсний дараа Трамп ерөнхийлөгчийн дугуй танхимд албан ёсоор орж, үйл ажиллагаагаа хэрэгжүүлэх талаар хэлэлцэнэ. Дараа нь Конгрессын нээлтийн ёслолын нэгдсэн хорооноос зохион байгуулдаг конгрессын үдийн зоогт оролцож, зүүн фронтын довжоон дахь цэргүүдтэй танилцаж, жагсаалыг удирдана. Хамгийн сүүлд Трамп нээлтийн гурван бөмбөгөнд үг хэлснээр өдөр өндөрлөх юм.
10. Трамп бол 78 нас 220 хоногтойдоо ерөнхийлөгчийн албан тушаалыг хаших болсон нь түүнийг түүхэн дэх хамгийн өндөр настайдаа сонгогдсон ерөнхийлөгч болгож байна. Тэрбээр 2021 онд тангараг өргөсөн Байденаас таван сараар ах юм. Үүнээс гадна, Трамп хоёр удаа дараалан ялагдаж, гурав дахь сонгуульдаа эргэн ирсэн анхын ерөнхийлөгч болсон.