3,428.91
Монголын волейболын холбооны үндэсний дээд лигийн 2024-2025 оны улирлын аваргын төлөө өрсөлдөх багууд тодорлоо. Өчигдөр/2025.01.18/ Степпе аренад лигийн хагас шигшээ шатны тоглолтууд болов.
Улаанбаатар Финикс 3 – 2 Уурхайчин
Цувралын шийдвэрлэх тоглолтод Улаанбаатар Финикс илүүрхлээ. Тоглолт эхний ээлжээсээ гал гарсан. Эн тэнцүү эхний ээлжийн тоглолтод Финикс илүүрхсэн ч удаах ээлжид Уурхайчин хариуг нь барив. Улмаар гурав болон дөрөв дэх ээлжийн тоглолтуудад мөн эвийн гэрээ байгуулж, тав дахь ээлжийн тоглолт гарсан. Шийдвэрлэх үед Финикс ялимгүй илүүрхэж, 15-13 гэсэн харьцаатай хожсоноор финалд шалгарчээ. Финиксээс Ж.Баянжаргал 25 оноо авч, багаа манлайлсан аж. Түүнээс гадна Монголын лигт хэдийнэ танигдсан Сьерра болон Э.Анударь нар сайн тогложээ.
Ховд Ижил алтай Торгууд 3 – 0 Хөвсгөл Эрчим
Улаанбаатар Финиксийн эсрэг финалд тоглох багийг тодруулах тоглолтод Ховд Ижил алтай Торгууд баг хожлоо. Аваргаа хамгаалагч Хөвсгөл Эрчим баг хүссэн тоглолтоо гаргаж чадсангүй. Торгууд баг гурван ээлжийн тоглолтод бүрэн илүүрхэв. Тэднээс Жастис 32 оноо авч, бүх тоглогчдыг тэргүүлжээ.
Ийнхүү эмэгтэйчүүдийн лигийн финалд Улаанбаатар Финикс болон Ховд Ижил алтай Торгууд баг учраа таарлаа.
Төв Миг 3 – 2 SG Hawks
Аварга болох амбицтай байсан SG Hawks баг өчигдөр итгэмээргүй байдлаар хожигдож, фэнүүдээ гонсойлголоо. Улирлын эхэнд өнгө төрхөө өөрчилж, өнгөрсөн жилийн амжилтаа ахиулахаар тэд улирлыг өнгөтэй эхлүүлсэн. Ялагдал гээчийг ч амсахгүй удсан. Гэвч хагас шигшээ шатыг давсангүй.
Тоглолтын тухайд хоёр баг ээлж дараалан бие биедээ хариу цохилтуудыг өгсөөр тав дахь ээлжийн тоглолтыг гаргасан. Шийдвэрлэх ээлжийн тоглолтод SG Hawks баг 8-2 гэсэн харьцаатай илүүрхэж, бараг л ялалтаа хармаалчихсан байв. Гэвч Төв Миг бууж өгсөнгүй. Монголын волейболын түүхэн дэх гайхалтай эргэн ирэлтийн нэгийг толилуулж, 18-16 гэсэн харьцаатай хожсоноор финалд шалгарчээ.
Б.Анхбаярын давуулалтыг Hawks-ийнхан торгоож дийлсэнгүй. Мөн Төв Мигийн легионер тамирчид ажлаа тултал сайн гүйцэтгэлээ.
Финалд Хасу Мегастарс болон Төв Миг багууд учраа таарч байна.
Нэргүй 1 минутын өмнө 139.5.218.25
ХАВКС гэнэ үү??? Зүгээр л ШОНХОР гээд нэрлэчихэж болдоггүй юм уу???
Зочин 14 минутын өмнө 202.126.90.85
алт, хүрлийн төлөөх тоглолтууд нь хэзээ эхлэх юм бол, хэдэн хожлоор шийдэгдэх энэ тэр гээд мэдээлэл тал нь хаягдчихаж дээ, гэхдээ яах вэ энэ зэргийн юм биччихэж байгаа нь их юм
Нэргүй 44 минутын өмнө 66.181.191.64
Ховд аймаг волейболын спортын сайхан уламжлалтай, дээр үед Баян-Өлгийгөөс Хянгасхааныг аймагтаа урьж аж иллулж байсан, идэрчүүд нь хүрэл авч бсан билүү дээ ?
Тэр жламжлал байгаа л юм бна !
Ижил Алтайн торгууд гэхээр Халимагаас легионер тамир чин авсан бололтой юмаа даа. Зөв зөв, монгол ах дүү бид нар хэн хэндээ ойртож л байвал зүгээр ш дээ ! САЛЮТ !