Пакистаны шүүх аль хэдийн хоригдож буй  ерөнхий сайд асан Имран Хан болон түүний эхнэрийг авлигын хэрэгт буруутгаж 7-14 жилийн хорих ял оноолоо гэж албаны хүмүүс болон түүний өмгөөлөгч мэдэгдэв. Тодруулбал, Хан засгийн эрхэнд байх үедээ үл хөдлөх магнатад тусалж, оронд нь газар бэлгэнд авсан аж. Үүнийг Хан болон эхнэр нь 2023 онд баривчлагдах хүртлээ үгүйсгэсэн бөгөөд дараа нь сөрөг хүчний явуулга гэж мэдэгдэх болжээ.

2022 оны дөрөвдүгээр сард парламентад итгэл үзүүлэхгүй байх санал хураалтаар огцорсон Хан өмнө нь авлига авсан, албаны нууц задруулсан, гэрлэлтийн тухай хууль зөрчсөн хэргээр гурван удаа шүүхээр шийтгүүлж, 10, 14, долоон жилийн ял авч байжээ. Пакистаны хуулийн дагуу тэрбээр хамгийн урт ялын хугацааг эдлэх юм.