Энэтхэг улс Оросын нефтийг хямд үнээр худалдаж авч байсан өдрүүд дуусгавар болж магадгүй байна. Тодруулбал, ОХУ-ын эрчим хүчний компаниуд болон газрын тос тээвэрлэдэг хөлөг онгоцны операторуудын эсрэг АНУ-аас өргөн хүрээтэй хориг арга хэмжээ авах нь Энэтхэг хүндрэл учруулна. Улмаар Азийн гурав дахь том эдийн засагт инфляцийг хөөргөдөх эрсдэлтэй.

Энэтхэг улс газрын тосны хямралд өртөж магадгүй байгааг "Рапидан Энержи" группын ерөнхийлөгч Боб МакНалли хэлжээ.

АНУ-ын Сангийн яам Баасан гаригт Оросын газрын тос олборлогч хоёр компани болон Оросын баррель нефтийг тээвэрлэж явсан 183 хөлөг онгоцонд хориг арга хэмжээ авахаа зарласан билээ. 183 хөлөг онгоцны 75 нь өнгөрсөн хугацаанд Оросын нефтийг Энэтхэг рүү тээвэрлэж байжээ. Түүнчлэн зөвшөөрөлтэй 183 танкер зөвхөн өнгөрсөн онд 687 сая баррель түүхий нефть тээвэрлэсний 30 хувийг Энэтхэг рүү тээвэрлэжээ. Гэхдээ хориг арга хэмжээ авсан танкерууд гуравдугаар сарын 12-ныг хүртэл түүхий нефть буулгах зөвшөөрөлтэй.

Энэтхэг улс 2024 оны дөрөвдүгээр сараас арваннэгдүгээр сарын хооронд газрын тосны хэрэгцээнийхээ 88 хувийг импортолсон. Энэ нь өмнөх оноос бараг өөрчлөгдөөгүй үзүүлэлт юм. Эдгээр импортын 40 орчим хувь нь Оросоос иржээ. Энэ удаад АНУ-ын хориг арга хэмжээ таамаглаж байснаас илүү өргөн цар хүрээтэй байгаа тул тасалдал улам бүр нэмэгдэх төлөвтэй байна.