ОХУ-ын сөрөг хүчний удирдагч агсан Алексей Навальныйн хоригдож байсан хорих анги хаалгаа барих гэж байгаа талаар орон нутгийн хэвлэлүүд Пүрэв гаригт мэдээлэв. Навальный 2021 оны хоёрдугаар сараас 2022 оны зургадугаар сарын хооронд Владимир мужийн Покров хотын "ИК-2″ хорих ангид хоригдож байгаад шилжиж байжээ. Уг хорих ангийг талаар Навальньй хэлэхдээ, маш чанга хатуу дэглэмтэй "жинхэнэ хорих лагерь" гэж тодорхойлсон байдаг.

Тухайлбал, тус ангид хоригдлууд бие махбодын хүчирхийлэл, нойр дутуу дулимаг авах, гэр бүлээс нь эргэлт ирэх зэрэг бүхий л хүний эрхийг хязгаарласан хүнд нөхцөл байдалд хоригддог байна.

"ИК-2″-ыг хаах үйл явц аль хэдийн эхэлсэн бөгөөд нэг жилийн хугацаанд бүрэн хаагдана гэж "Чеснок" мэдээллийн цахим хуудас Холбооны хорих газрын Владимир муж дахь салбараас иш татан мэдээлэв. Одоогийн байдлаар тус хорих ангид хоригдож байгаа хоригдлуудыг мужийн бусад хорих анги, засан хүмүүжүүлэх төвд шилжүүлэхээр яригдаж байна. Гэхдээ цаашид "ИК-2″-ын талбайг өөр зорилгоор ашиглах эсэх нь тодорхойгүй байгаа аж.

Кремлийг эсэргүүцдэг гэдгээрээ олон улсад хүлээн зөвшөөрөгдөж байсан Навальный 2024 оны хоёрдугаар сард 47 насандаа “Алтан гадас чоно” Арктикийн хорих ангид тодорхойгүй нөхцөл байдлын улмаас нас барсан байдаг. Түүний үхэлд Кремлийн эрх баригчид буруутай гэж Навальныйн гэр бүл мэдэгдсэн юм. Гэхдээ үүнийг Кремль хүлээн зөвшөөрөөгүй байдаг.