Хамтарсан засгийн халаа сэлгээ, албан тушаалын арилжаа наймаа ид үргэлжилж байна. Тодруулбал, УИХ-ын Эдийн засгийн байнгын хороодын хурлаар СЗХ-ны удирдлагуудын томилгоог хэлэлцсэн агаад маргаашын хуралдаанаар санал хураах бололтой.

СЗХ-ны дарга Д.Баярсайханы оронд тус хорооны Ажлын албаны дарга Т.Жамбаажамцыг томилох асуудал орж ирээд буй. Т.Жамбаажамц нь СЗХ-нд Ажлын албаны даргаар 10 гаруй жил ажилласан.

Түүнчлэн тус хорооны дэд дарга Н.Хүдэрчулуун УИХ-ын даргатай нэг ангийнх,  Санхүүгийн зохицуулах хорооны гишүүнээр нэр дэвшин сонсголд орж ирсэн, Сангийн яамны санхүүгийн бодлогын хэлтсийн дарга Л.Сонор нь УИХ-ын гишүүн, Шадар сайд Т.Доржхандын төрсөн дүү аж. Түүнчлэн Хяналтын зөвлөлийн даргад нэр дэвшигч М.Буяндэлгэр нь газар зохион байгуулагч мэргэжилтэй, насаараа нийслэлийн газрын албанд ажилласан хүн юм байна.

Гэх мэтчилэн Монголын санхүүгийн салбарыг хариуцдаг СЗХ-ны “саарал томилгоо” салбарынхны санаанд хүрэхгүй байгаагаа эдийн засагчид ил тод илэрхийлж байгаа юм.

Б.ШАРХҮҮ