Г.Ганзориг снөүбоардын оюутны ДАШТ-д өрсөлдөнө

Дэлхийн оюутны аварга шалгаруулах тэмцээнд анх удаа снөүбоард төрлөөр монгол тамирчин оролцохоор болжээ. Тодруулбал, Монгол Улсын снөүбоардын үндэсний шигшээ баг, “Эхлэл” клубийн тамирчин Г.Ганзориг Итали улсад 2025 оны нэгдүгээр сарын 13-23-ны хооронд зохион байгуулагдаж буй Оюутны дэлхийн аварга шалгаруулах тэмцээнд Монгол Улсаа төлөөлөн оролцох юм байна.

Оюутны дэлхийн аварга шалгаруулах тэмцээнд Монгол Улсаас Монголын Цанын холбооны уулын цана, гүйлтийн цанын төрөл, Монголын мэргэжлийн снөүбоардын холбооноос анх удаа тус спортын хоёр төрлөөр шигшээ багийн тамирчин болон нийт 20 гаруй баг тамирчид оролцож байна.

Үндэсний шигшээ багийн тамирчин Г.Ганзориг нь 2019 оноос хойш снөүбоардоор тасралтгүй хичээллэж ирсэн бөгөөд,

Монгол Улсын снөүбоардын 3 удаагийн аварга,
Улаанбаатар хотын аварга,
Монголын бүх ард түмний их наадамд фрийстайл төрөлд алтан медаль, слалом төрөлд мөнгөн медаль
2023 оны АНУ-д зохион байгуулагдсан Оюутны дэлхийн аварга шалгаруулах тэмцээнд снөүбоардын төрөлд оролцож слалом төрөлд 24 байр, жиант слалом төрөлд 23 байр,
2024 онд БНХАУ-д зохиогдсон Олимпын онооны эрхийн тэмцээнд 7 байр,
Азийн цомын тэмцээнд 26 байрт орж Монголын анхны шинэ снөүбоардын рекорд тогтоосон амжилттай тамирчин юм.