Цахим хуудаст олон нийтийн дургүйцлийг хүргэсэн хоёр бичлэг нийтлэгдсэн. Нэг нь Элэг судлалын төв клиникт болж байгаа маргаан, нөгөөх нь жудо бөхийн олимпийн зэрэглэлийн шүүгч Т.Энхцэцэг нартай холбоотой асуудал.

Цагдаагийн ерөнхий газраас өгсөн мэдээллээр, тус хэргүүдийг шалгаж байгаа. Одоогоор шалгалтын ажил үргэлжилж байгаа бөгөөд дэлгэрэнгүй мэдээлэл өгөх боломжгүй.

Цагдаагийн байгууллагад нэгдүгээр сарын 13-ны өдрийн 09:00 цагийн орчимд Сонгинохайрхан дүүргийн 15 хорооны нутаг дэвсгэрт байрлах Уламжлалт анагаах ухааны Элэг судлалын төвд ажил хүлээлцэх гээд иртэл оруулахгүй маргаан болоод байна гэх дуудлага мэдээлэл бүртгэгдсэн. Шалгалтаар дээрх асуудалтай холбоотой бусдын биед халдаж зодсон, гэмтэл учруулсан зүйл тогтоогдоогүй бөгөөд асуудлыг тал бүрээс нь бүрэн бодитой тогтоох зорилгоор шалгалтын ажиллагааг харьяа дүүргийн цагдаагийн хэлтсээс үргэлжлүүлж байна.

Жудо бөхийн шүүгч Т.Энхцэцэгтэй холбоотой асуудлыг мөн хуулийн байгууллага шалгаж байгаа гэлээ.