АНУ-ын ерөнхийлөгчөөр сонгогдсон Дональд Трамп энэ долоо хоногт ОХУ-ын ерөнхийлөгч Владимир Путинтэй утсаар холбогдоно гэж Цагаан ордны шинээр сонгогдсон Үндэсний аюулгүй байдлын зөвлөх мэдэгдэв.

Төлөөлөгчдийн танхимын гишүүн Майк Вальц Ням гаригт "ABC" телевизийн нэвтрүүлэгт оролцохдоо энэ талаар мэдэгдсэн бөгөөд Трамп удаан хугацааны турш төлөвлөж байсан гэж онцлов. Мөн хоёр орны удирдлага утсаар холбогдох бэлтгэл ажил хийгдэж байгаа аж.  Украины талаар Вальц хэлэхдээ, украинчуудад ажиллах хүчний асуудал тулгараад байна. Мөн Украины цэргийн хомсдолыг шийдвэрлэх шаардлагатай байна гэжээ.

Тэрбээр Украинд цэрэг татлагын насаа 25-аас 18 болгон бууруулахыг санал болгож буйгаа илэрхийлсэн байна.

Вальц "Энэ нь ямар нэгэн байдлаар дипломат аргаар дуусгавар болох ёстой гэдгийг бүгд мэдэж байгаа. Би зүгээр л Украины газар нутаг, тэр дундаа Крымээс орос хүн бүрийг хөөн гаргана гэж хэлэх нь бодитой зүйл биш гэж бодож байна" гэжээ. Тэрбээр мөн Трамп санал нэг байгааг огцолсон байна.