Эрх чөлөөний эвсэл намаас нэгдүгээр сарын 11-12 өдөр төв талбайд "Засгийн газар огцор" нэртэй жагсаалыг зохион байгуулсан. Үүнтэй холбоотойгоор Цагдаагийн байгууллагаас жагсаал цуглаанд оролцож байгаа иргэд, оюутан залууст аюулгүй байдлаа хангаж, гэмт хэрэг, зөрчилд өртөхөөс урьдчилан сэргийлэн, бусдын өдөөн хатгалгад автахгүй байх, цаашилбал хууль бус үйл ажиллагаанд оролцохгүй байхыг уриалсан юм.

Цагдаагийн ерөнхий газраас тодруулснаар, жагсаалын үеэр гэмт хэргийн 10, зөрчлийн зургаан гомдол, мэдээлэл бүртгэгдсэн байна. Одоогоор дээрх бүргтэгдсэн гомдол мэдээллийг шалгаж байна гэлээ.

Жагсаал цуглаан хийх үед анхаарах зөвлөгөө:

• Бусдын өдөөн хатгалга, турхиралтад автахгүй байх
• Халтиргаа гулгаанаас болгоомжлох
• Бөөгнөрсөн хүмүүсийн дунд орж, шахцалдах дарагдахаас зайлсхийх
• Ямар ч тохиолдолд хүч хэрэглэхгүй байх
• Согтууруулах ундаа хэрэгдэхгүй байх
• Хашлага, сараалж болон аливаа хурц ирмэгтэй зүйлсээс хол байх

Жагсаалыг зохион байгуулж буй Эрх чөлөө үндэсний эвсэл нам “Засгийн газар огцор жагсаал Засгийн газартай аливаа хэлбэрээр зөвшилцөлд орохгүй, ямар нэг уулзалт яриа хэлцэл хийхгүй, тайлбар хүлээж авахгүй. Жагсаалын үндсэн шаардлага зорилгодоо хүрэх хүртэл үргэлжилнэ” гэж мэдэгдээд буй.