АНУ-ын ерөнхийлөгчөөр сонгогдсон Дональд Трампийн төлөөлөгч Израилийн ерөнхий сайд Беньямин Нетаньяхутай уулзсан бөгөөд Газын зурваст гал зогсоож, барьцаалагдсан хүмүүсийг суллахыг уриалжээ. Катарт гал зогсоох хэлэлцээ явагдаж байгаа энэ үед уг уулзалт болж байна.

Израилийн ерөнхий сайдын албаны мэдээлснээр, Нетаньяху, Стив Виткофф нар Бямба гаригт уулзсан байна. Хэрвээ Хамас нэгдүгээр сарын 20-нд тангараг өргөхөөс өмнө барьцааны хүмүүсийг суллахгүй бол "там шиг төлбөр төлөх болно" гэж Трамп мэдэгджээ. Түүнчлэн Нетаньяху Моссадын тагнуулын агентлагийн дарга болон бусад албаны хүмүүст Катар руу явахыг даалгасан гэж тус албаныхан мэдэгдэв.

Газын эрүүл мэндийн албаныхан 2023 оны аравдугаар сараас хойш тэнд амиа алдагсдын тоо 46,537-д хүрсэн гэж мэдэгдэв.