АНУ-ын шинээр сонгогдоод буй ерөнхийлөгч Дональд Трамп санхүүгийн бүртгэлээ хуурамчаар үйлдсэн гэх 34 эрүүгийн гэмт хэрэгт буруутгагдаж, Дээд шүүх өнөөдөр түүнийг гэмт хэрэгтнээр бүртгэл үүсгэх шийдвэр гаргав. Эх сурвалжийн мэдээлснээр, түүний ялыг Нью-Йорк мужийн бүх нийтийн шүүхийн удирдлагын тогтолцоо оногдуулж, Эрүүгийн шүүхийн үйлчилгээний хэлтэст (DCJS) гүйцэлдүүлэх юм.

Улмаар Трамп АНУ-ын түүхэн дэх анхны эрүүгийн гэмт хэрэгтэн ерөнхийлөгч болж байна.

Шүүхээс Трампийн ажил хэрэгт садаа учруулахгүйн тулд хорих хугацаа олгохгүй бөгөөд торгуульгүйгээр болзолтой чөлөөлөгдөх боломжийг олгож буй. Трампийн хувьд ял авч буйдаа сэтгэл дундуур байгаагаа илэрхийлжээ. Тэрбээр өөрт нь улс төрийн зорилготойгоор, шударга бус хандаж байна гэж мэдэгдсэн байна.

 Гэсэн хэдий ч шүүх хурлыг удирдагч шүүгч Хуан Мерчан түүний өндөр албан тушаалыг үл харгалзан, хуулийг хүндэтгэн ял оноолоо.

Мерчан ерөнхийлөгчийн хамгаалалт чухал ч гэм буруутайг нь тоолгүй өнгөрөх боломжгүй гэдгийг онцлон тэмдэглэв. Үүний үр дүнд Трамп одоо хууль ёсны дагуу гэмт хэрэгтэн гэж хүлээн зөвшөөрөгдсөн. Цаашид Трамп ялыг хүчингүй болгох ямар нэгэн үйлдэл хийхгүй л бол түүнд оногдуулсан ял хэвээр байна. Гэсэн хэдий ч шүүгч Мерчан уг хэргийг тойрсон олон нийтийн ашиг сонирхлыг хүлээн зөвшөөрч, Трампд амжилт хүсчээ.