Дэлхийн хамгийн том цахилгаан барааны үзэсгэлэн дээр онц сонирхолтой, хүн бүрт таалагдах хэд хэдэн өдөр тутмын амьдралд туслах зүйлс танилцуулагджээ. Магадгүй эдгээр бүтээгдэхүүн нь амьдралыг бүхэлд нь өөрчилж ч магадгүй. Эсвэлд маш муу санаа болж, хүлээн зөвшөөрөгдөхгүй байх ч боломжтой. Энэ жилийн "Consumers Electronics Show" /CES/ -ны үеэр хамгийн сүүлийн үеийн дэвшилтэд технологи, хиймэл оюун ухаант бүтээгдэхүүн "бут цохиж" байна.

Футурист биеийн сканнер

Францын "Withings" компани ухаалаг жинлүүр, цаг үйлдвэрлэдэг бөгөөд Ридли Скоттын кинон дээр гардаг шиг бүх биеийг хамарсан "эрүүл мэндийн үзлэгийн сканнер"-ыг бүтээжээ. Энэхүү бүтээгдэхүүн нь хүний биеийн бүхий л мэдээллийг нягталж, биометрийн хэмжигдхүүнтэй хавсарган цогц үйлчилгээ үзүүлэхийг зорьж байна. "Withings Omnia" онолын хувьд таны зүрхний цохилтыг хэмжиж, рН-ийн түвшин, булчингийн бүтэц, унтах чанар, дасгал хөдөлгөөнийг хэмжинэ. Энэ нь ухаалаг цаг гэх мэт бусад зүүдэг төхөөрөмжтэй хамт ажиллаж, өдрийн турш авсан биометрийн өгөгдлийг таны эрүүл мэндийн ерөнхий дүр зураг болгон нэгтгэх болно.

Дүр төрхийг жижигхэн хайрцагт хуулбарлах голограмм машин

Өөрийн биеэ 3D дүрсээр жижиг зөөврийн хайрцагт багтаахыг хүсдэг цөөнгүй хүн бий. Голландын "Holoconnects" компани хүний ​​хэмжээтэй "Holobox"-ын жижиг хувилбар "Holobox Mini"-г зохион бүтээжээ. Энэ нь хүн, бүтээгдэхүүний хэмжээг жижигрүүлж, дөрвөлжин хайрцгаас харах боломжийг олгох болно. "Holobox Mini" нь 4500 ам.доллар бөгөөд нэмэлт төлбөр төлж программ хангамжийн өөрчлөлт хийж болно.