Бөхчүүд оноо цуглуулж, чансаагаа тогтоодог боллоо

Монголын үндэсний бөхийн холбоо шинэчлэлийн хөтөлбөрийн хүрээнд томоохон барилдаануудад чансааны оноо олгох журмыг хэрэгжүүлэхээр боллоо. Тодруулбал, бөхийн холбооноос баталсан цаглаварын дагуу өндөр зэрэглэлтэй бөхчүүдийн чансаа тогтоох барилдааныг сард хоёр удаа, намраас хаврын улиралд нийт 16-18 удаа зохион байгуулахаар төлөвлөөд байна.

Эдгээр барилдаанд оролцсон идэвх, гаргасан амжилтад үндэслэн жил жилийн шилдэг бөхчүүдийн чансааг devjee.mn цахим хуудастай хамтран гаргах юм. Гэхдээ энэхүү чансаа нь Үндэсний их баяр наадмын тухай хууль, үндэсний бөхийн барилдааны дүрэмд заасан улсын цол, чимэгт нөлөөлөхгүй болно. Өндөр зэрэглэлтэй бөхчүүдийн чансаа тогтоох барилдаанд дараах барилдаануудыг хамруулна. Үүнд:

Улирлын нээлтийн барилдаан
Улсын аварга цолтонд хүндэтгэл үзүүлэх барилдаан
Улсын арслан цолтонд хүндэтгэл үзүүлэх барилдаан
Улсын гарьд цолтонд хүндэтгэл үзүүлэх барилдаан
Улсын заан цолтонд хүндэтгэл үзүүлэх барилдаан
Улсын харцага цолтонд хүндэтгэл үзүүлэх барилдаан
Улсын начин цолтонд хүндэтгэл үзүүлэх барилдаан
Сар шинийн баярт зориулсан барилдаан
Монгол бахархлын өдөрт зориулсан барилдаан
Монгол Улсын Ерөнхийлөгчийн цомын төлөөх барилдаан
Улс тунхагласны баярт зориулсан барилдаан
Үндсэн хуулийн өдөрт зориулсан барилдаан
Нийслэлийн өдөрт зориулсан барилдаан
Монгол цэргийн өдөрт зориулсан барилдаан
Богдхан хайрханы хишиг барилдаан
Сонгинохайрханы хишиг барилдаан
Чингэлтэй хайрханы хишиг барилдаан
Баянзүрх хайрханы хишиг барилдаан

Чансаа тооцох журам:

8 даваа 1500
7 даваа 1000
6 даваа 600
5 даваа 400
4 даваа 300
3 давааа 200
2 даваа 100
1 даваа 50
Оролцоо 10

Жич: Зөвхөн Сар шинийн баярт зориулсан барилдаанд 256, бусад барилдаанд 128 бөх барилдана.

5 сэтгэгдэл

Хариулахаа болих

Зочин 2025-01-08 202.126.90.85

Нэгэнт чансаа ярьж байгаа бол цол, чимэг гэсэн юмыг байхгүй болгох хэрэгтэй, чансаагаараа оноолт хийж явах уу, цолоороо ам авч явах уу гэдэг шийдэл хэцүү, цолоороо явна гэвэл чансаа хоосон цаас л болно ш дээ, ер нь хоёр туулай хөөсөн анчин хоосон хоцордог номтой

Хариулах

Нэргүй 2025-01-08 139.5.219.163

Чансаа тогтоож чансаагаар нь эрэмбэлж цалин урамшуулал олгох нь зөв

Дорж 2025-01-08 192.82.65.175

Энэ чансаа юунд хэрэгтэй юм бэ? Хэрэв сар бүр чансаа тогтоогоод бөхчүүдээ сар бүр чансаагаар нь эрэмбэлдэг, ядаж чансаагаар ялгаатай цалин өгдөг болговол, мэргэжлийн сумо шиг, UFC шиг шударга өрсөлдөөн бий болно. Тэгж эрэмбэлэхгүй юм бол энэ чансаа нохойн баас, хэндч, юунд ч хэрэггүй, нөгөө л луйварчин, найрааны хөгшчүүл нь түрүүлж ам авдагаараа авна, муу бөхтэй нугалаанд таарна гэх мэт монгол бөхийн шударга бус бохир үзэгдэл байсаар байна.

иргэн 2025-01-08 165.225.229.98

БӨХИЙН ӨРГӨӨ барилгаа миний мэдэхийн бараг 2006 оноос хойш Анх удаа засч өнгө оруулж байгаа. Тийм муухай барилгад орчинд яаж тэр олон нийтийш хамарсан арга хэмжээ явагдаад байсныг ер ойлгодоггүй юм. Гадна орчноо буюу Явган хүний зам талбайгаа бас Шинэчлээрэй. Өвөл арилгадаггүй мөсөн дээр чинь хальтарч үхчих гээд, бусад улиралд овон товон_ хагархай цементүүдэд нь бүдэрч үхчих гээд мөн ч олон жил явлаа, хэллээ. Зөвхөн дарга нарынхаа орж гардаг алга дарам газраа л арчилдаг сонин газар даа.