Хүүхдийн урлан бүтээх төв 2024-2025 оны хичээлийн жилд үнэ төлбөргүй 19 сургалт явуулж байгаа бөгөөд нэмэлт бүртгэл энэ долоо хоногт эхэлсэн байна. Энэ удаагийн нэмэлт элсэлтээр цөөн хүүхэд бүртгэх бөгөөд хүүхдээ сургалтад хамруулах эцэг эхчүүд Хүүхдийн урлан бүтээх төв рүү шууд холбогдож, багштай ярих боломжтой.

Нийт хэчнээн хүүхэд нэмэлтээр бүртгэх талаар тодруулахад, Хүүхдийн урлан бүтээх төв одоогоор 1000 гаруй суралцагчтай, долоо хоногийн дөрвөн өдөр хоёр ээлжээр хичээллэж байгаа. Нэмэлт элсэлт авах ангиудад хэдэн хүүхэд бүртгэхийг багш нар шийднэ. Ханиад томуу, хичээл сургуулийн амралтаас шалтгаалж бүртгэлтэй хүүхдүүдийн ирц буурсан учир зарим ээлжинд нэмэлт элсэлт авч байгаа гэв.

Нэмэлт элсэлт авч байгаа дугуйлангийн тухайд,

• Монгол уран бичиг
• Хар Зураг
• Эко гар урлал
• Сүрлэн сүлжмэл
• Үндэсний уламжлалт уран хатгамал
• Хар зураг, уран зураг
• Арьсан урлал
• Хувцас загвар
• Сүрлэн наамал
• Уран зураг анхан шатанд бүртгэж байна.

Өглөөний ээлж 09:00-11:00 цагийн хооронд, оройн ээлж: 14:00-16:00 цагийн хооронд бөгөөд нэг ээлжинд 10-15 хүүхдийн анги дүүргэлттэй сургалт орох юм. Сургалтад бүртгүүлэх хүүхдүүд 99775707 утсаар холбогдож дэлгэрэнгүй мэдээлэл авах боломжтой.

2024-2025 оны хичээлийн жилд Хүүхдийн урлан бүтээх төв: 

• Уран зураг
• Уран баримал
• Монгол уран бичлэг
• Сүрлэн наамал
• Сүрлэн сүлжмэл
• Баримал керамик
• Хүүхэлдэй бэлэг дурсгал
• Монгол үндэсний хувцас загвар
• Үндэсний уран хатгамал
• Гар урлал
• Арьсан урлал зэрэг сургалт хичээллэж байна.

Бүрдүүлэх баримт бичиг:

• Нэг хувь цээж зураг
• Хүүхдийн төрсний гэрчилгээ