"Shogun" түүхэн олон ангит кино 2025 оны Алтан бөмбөрцөг наадамд түрүүлж, "Шилдэг телевизийн олон ангит кино" болон бусад гурван шагналыг хүртлээ. Түүнчлэн, шилдэг жүжигчнээр тус цувралын продюсероор ажилласан гол дүрийн жүжигчин Санада Хироюки шалгарчээ. 82 дахь удаагийн “Алтан бөмбөрцөг” наадмын шилдгүүдийг Лос Анжелес хотноо болсон ёслолын ажиллагааны үеэр тодруулсан юм. Шилдэг туслах дүрээр Асано Таданобу нэр дэвшсэн байсан тул Японоос хүрэлцэн ирж, шагналаа гардан авсан байна.

Феодалын Япон дахь эрх мэдлийн төлөөх тэмцлийг харуулсан уг драм АНУ-д бүтээгдэж, дэлхий нийтэд цацагдсан. Санада гол дүрд тоглож, олон ангит киног бүтээхэд тусалсан бөгөөд шилдэг телевизийн олон ангит кино зэрэг дөрвөн төрөлд Алтан бөмбөрцөгт нэр дэвшээд байсан юм.  Анна Савай "Shogun"-ын бусад жүжигчдийн хамт улаан хивсэн дээгүүр алхсан байна. Телевизийн олон ангит киноны эмэгтэй жүжигчний шилдэг дүрд Савай нэр дэвшсэн аж. Санада тайзан дээр гарч, шагналаа авсныхаа дараа "Shogun"-ыг бүтээхэд оролцсон бүх хүнд талархал илэрхийлсэн байна. Савайгийн хувьд Алтан бөмбөрцөгт нэр дэвшсэн нь сэтгэл хөдөлгөм, гайхалтай мэдрэмжийг өгсөн гэж хэлсэн байна.