Кино, телевизийн салбарын шилдгүүдийг шалгаруулдаг “Алтан бөмбөрцөг” наадам Лос–Анжелес хотод өнөөдөр /2025.01.06/ болж байна. Тус наадмын 82 дахь удаагийн шагнал гардуулах ёслолын шилгүүдийг танилцуулж байна.

Америкийн жүжигчин Зои Салдана “Emilia Perez” кинонд бүтээсэн дүрээрээ хамгийн эхний шагналын эзнээр тодорчээ, Тэрбээр “Туслах дүрийн шилдэг эмэгтэй жүжигчин”-ээр шалгарлаа.

Америкийн жүжигчин Жин Смарт “Hacks” кинонд бүтээсэн дүрээрээ “Мюзикл/инээдмийн киноны гол дүрийн шилдэг эмэгтэй жүжигчин” төрөлд “Алтан бөмбөрцөг”-ийн эзэн боллоо.

Америкийн жүжигчин Киран Калкин “A Real Pain” киноны дүрээрээ “Туслах дүрийн шилдэг эрэгтэй жүжигчин” төрөлд шалгарлаа.

 Японы жүжигчин Хироюки Санада “Shōgun” цувралд бүтээсэн дүрээрээ “Гол дүрийн шилдэг эрэгтэй жүжигчин” төрөлд “Алтан бөмбөрцөг” хүртлээ.

Английн жүжигчин Жессика Ганнинг “Baby Reindeer” цувралын галзуу мөшгигчийн дүрээрээ “Телевизийн цувралын туслах дүрийн шилдэг эмэгтэй жүжигчин” төрөлд шалгарчээ.

“Телевизийн цувралын шилдэг эрэгтэй туслах дүр”-ийн шагналыг Японы Таданобү Асано хүртлээ.

"Телевизийн шилдэг инээдмийн жүжигчин"-ээр Али Вонг шалгарлаа.