Мөрдөн байцаагчид Баасан гаригт /2024.01.03/ эрхээ түдгэлзүүлсэн ерөнхийлөгч Юн Сук Ёлыг баривчилж чадаагүй тул дараагийн алхмаа хэлэлцэж байна. Тус улсын Авлигатай тэмцэх албаны (CIO) алба хаагчид Даваа гаригаас өмнө, өнөөдөр дахин нэг удаа баривчлах алхам хийж магадгүй гэж эрх баригчид таамаглах болжээ.  Эхний оролдлогын үеэр Ерөнхийлөгчийн хамгаалалтын албаны (PSS) 200 гаруй гишүүн мөрдөн байцаагчдыг ерөнхийлөгчийн ордонд нэвтрүүлэхгүйн тулд гинжин холбоо үүсгэж, замыг хаасан байдаг. Улмаар "CIO"-гийн зүгээс орлогч ерөнхийлөгч Чой Санг Мок руу захидал илгээж, "PSS"-ийг хамтарч ажиллахыг уриалахыг хүсчээ. Үүнтэй ижил төстэй захидлыг нэгдүгээр сарын 1-нд мөн адил илгээж байсан ч тодорхой хариу ирээгүй юм.

Одоогийн байдлаар, ерөнхийлөгч Юныг дахин баривчлах шуурхай арга хэмжээ явагдаагүй байгаа ч түүнийг дэмжигч иргэд, хууль тогтоогчид гэрийнх нь гадаа ирж, баривчлах ажиллагааг Даваа гариг хүртэл хойшлуулах арга хэмжээ авч магадгүй байна.

Хэрэв Юныг баривчлах оролдлого бүтэлгүйтсээр байвал "CIO" цагдан хорих захирамж гаргах хүсэлт шууд гаргаж магадгүй юм.

Энэ талаар хуулийн мэргэжилтнүүд тайлбарлахдаа, цагдан хорих захирамжийг шүүхийн байгууллагын оролцоогүйгээр буюу 20 хоног явагдах шүүх хурал болохгүйгээр шууд байгаа газарт нь хорих тухай юм. Мөн прокурор, CIO мөрдөн байцаалтын хугацааг тэнцүү хуваан авч, мэдүүлэг авах юм.

Тагнуулын ерөнхий газрын өмгөөлөгчийн хэлснээр, мөрдөн байцаагчид Юныг баривчлах нь хэцүү байх болно гэдгийг мэдэж байсан. Гэсэн хэдий ч одоо байгаа нотлох баримтууд нь цагдан хорих шийдвэр гаргахад хангалттай, үндэслэлтэй байгаа аж. Түүнчлэн, Юн нэгдүгээр сарын 6-наас өмнө баривчлах захирамжийг үл тоосон хэвээр байвал мөрдөн байцаагчид шүүхэд хугацааг уртасгах хүсэлт гаргаж магадгүй байна. Эс бөгөөс шууд цагдан хорино.

Үүний зэрэгцээ, "PSS"-ийн дарга Пак Чон Жун болон түүний орлогч нарыг "CIO"-ийн Юныг баривчлах ажиллагаанд саад учруулсан хэргээр буруутгаж, байцаалтад дуудсан байна.

Үүнд "PSS" хариулахдаа, аюулгүй байдлыг үүднээс тэд албан тушаалаа орхиж чадахгүй байгаа тул байцаалт авах товыг хойшлуулахыг уриалжээ.