“Гэнхэ-2024” өвлийн хагас марафон гүйлтийн тэмцээнээс Монгол тамирчид алт, мөнгөн медаль хүртжээ. Тодруулбал, 21 км-ын зайн эмэгтэйчүүдийн ангилалд Монгол Улсын тамирчин Г.Уугантуяа алтан медаль хүртсэн бол 21 км-ын зайн эрэгтэйчүүдийн ангилалд Л.Амардэлгэр мөнгөн медаль хүртсэн байна.

Тус тэмцээн БНХАУ-ын 50 хэмийн хүйтэн цэгт зохион байгуулагдсан гэдгээрээ онцлог юм. Тэмцээнд Монгол, БНХАУ, ОХУ-ын нийт 1500 гүйгч өрсөлджээ. 

Г.Уугантуяа нь Монголын хэт марафон гүйлтийн ОУХМ цолтой, 24 цагийн гүйлтийн Монгол Улсын аварга, дээд амжилтыг эзэмшигч бол мөнгөн медальт Л.Амардэлгэр нь залуу гүйгч аж.