ОХУ-ын ерөнхийлөгч Владимир Путин саяхан блиц шатрын дэлхийн аварга болсон Ян Непомнящийд баяр хүргэжээ. Тэрбээр үгэндээ "Тэмцээний туршид чиний тоглолт гайхалтай байлаа. Финалд чи өөрийгөө гайхалтай удирдаж, ялалтын төлөө тууштай байж чадлаа. Чи дэлхийн аварга гэх цолыг хүртэх, туршлагатай Магнус Карлсены хамтаар хуваалцах эрхтэй. Сайн байна" гэжээ. Мөн түүнд 2025 онд амжилт бүтээл, эрүүл энхийг хүсчээ.

Ян Непомнящий болон Магнус Карлсен нар блиц шатрын дэлхийн аваргын финалд учраа таарч, дөрвөн өргийн дараа 2:2 гэсэн харьцаатай тэнцэж, үргэлжлүүлэн тоглохоос татгалзаж, хамтдаа аварга болсон билээ. Эхний хоёр өрөгт Карлсен хожсон бол сүүлийн хоёр өрөгт Непомнящий дараалан ялжээ. Дөрөв дэх өргийн төгсгөлд норвеги их мастер санал тавьснаар хоёр тамирчны тоглолт тэнцээгээр өндөрлөсөн юм.

Олон улсын шатрын холбоо анх удаагаа хоёр их мастер хамтдаа блицийн дэлхийн аварга болсон гэдгийг мэдэгджээ.