Их Британийн хаан III Чарльзийн бэр, Сассексийн гүнгийн хатан Меган Маркл "Netflix"-тэй хамтарч, шинэ шоу нэвтрүүлэг гаргаснаа зарлалаа. Уг шоу нь практик аргачлал, илэн далангүй яриаг хослуулсан амьдралын хэв маягийн тухай юм байна.

"With Love, Meghan" шоу нь нэгдүгээр сарын 15-нд нээлтээ хийх бөгөөд жүжигчин Минди Калинг, "Suits" киноны од асан Абигаил Спенсер зэрэг алдартнуудыг оролцуулсан 30 минутын найман ангитай байх аж. Пүрэв гаригт цацагдсан трейлер дээр Меган нөхөр хунтайж Харри болон хоёр хүүхдийн хамт амьдардаг Калифорни дахь гэртээ бөөрөлзгөнөтэй бялуу хийж, зөгийн бал хурааж буйг харуулжээ. Меган инстаграм хуудас дээрээ трейлерээ нийтэлж, "Би та нарт үүнийг хуваалцах болсондоо баяртай байна. Надтай эн зэрэгцэн шоунд минь дуртай байна гэж найдаж байна" гэж бичсэн байна.

Түүнчлэн, "Би хэд хэдэн жижиг зөвлөмж, аргаа хуваалцах болно. Мөн эдгээр аргыг хэрхэн өдөр тутамдаа хэрэгжүүлэх тухай зөвлөх болно. Бид төгс төгөлдрийг эрэлхийлээгүй … бид баяр баясгаланг эрэлхийлж байна" гэж бичжээ. Тогооч Рой Чой, Алис Уотерс нар мөн цувралын зочдын тоонд багтжээ. Уг шоу нь хааны удмын гүн, гүнгийн авхай хэрхэн амьдардгийг харуулна гэж шүтэн бишрэгчид нь үзэж, тэсэн ядан хүлээж байгаа аж.