Өмнө Монтенегрод Лхагва гаригт /2024.01.01/ зэвсэгт этгээд бага насны хүүхэд зэрэг арван хүнийг буудсан харамсалтай хэрэг гарчээ. Тодруулбал, Цетинже орчмын нэгэн ресторанд болсон үйлчлүүлэгчдийн маргалдааны дараа уг хэрэг гарсан бөгөөд зэвсэгт халдлага үйлдсэн этгээд хожим амиа хорлосон байна. Засгийн газар Пүрэв гаригаас эхлэн гурван өдрийн үндэсний гашуудал зарлаж, ерөнхий сайд Миложко Спажич аймшигтай хүнд эмгэнэлт явдал болсон гэж тодорхойлжээ.  Дотоод хэргийн сайд Данило Саранович мэдэгдэхдээ, зэвсэгт этгээд өөрийн гэр бүлийн гишүүд, рестораны эзнийг хоёр хүүхдийнх нь хамт хөнөөжээ.

Уг хэрэг үндсэндээ хүмүүс хоорондын харилцан ойлголцоогүйгээс үүдсэн гэж онцлон тэмдэглэсэн байна.

Зэвсэгт халдлагын үеэр дөрвөн хүн шархдаж эмнэлэгт хүргэгдсэн аж. Халдлага үйлдэгч нь 45 настай Александр Мартинович бөгөөд тэрээр хэргийн газраас зугтсаныхаа дараа цагдаа нарт бүслэгдэж, зэвсгээ хаяхыг шаардах үед өөрийгөө буудсан байна. Балканы жижиг үндэстний хувьд олныг хамарсан зэвсэгт халдлага харьцангуй ховор байдаг учир шинэ оны эхний өдөр гарсан уг хэрэг үндэстнийг цочроожээ.