Израилийн ерөнхий сайд Беньямин Нетаньяху түрүү булчирхай авхуулах мэс засалд оржээ. Тодруулбал, түрүү булчирхайн томролт үүсгэдэг халдварын улмаас мэс засалд орсон бөгөөд амжилттай болсон байна. Ахимаг насны эрэгтэй хүмүүст түрүү булчирхайн өвчлөл түгээмэл байдаг ч Нетаньяху ирээдүйд үүсэх хүндрэлээс урьдчилан сэргийлэхийн тулд мэс засалд орсон аж. Эмч нар ерөнхий сайд түрүү булчирхайн хавдар биш гэдгийг онцолж, хурдан эдгэрүүлэхийн тулд хөнгөн хэлбэрийн мэс ажилбар хийсэн байна.

Нетаньяху Газын зурваст үргэлжилж буй дайн, авлигын хэргийн шүүх хурал зэрэг олон асуудалд оролцож байгаа төдийгүй Израилийг хамгийн удаан удирдаж буй хүний хувь эрүүл мэндийг нь эмнэлгийн байгууллага сайтар хянадаг. Гэсэн хэдий ч тэрбээр сүүлийн жилүүдэд зүрх судасны асуудлаас болж зүрхний аппарат зүүсэн юм. Эмч нарын мэдэгдсэнээр, ерөнхий сайд Нетаньяху эдгэртлээ эмнэлэгт хэвтэн эмчлүүлэх юм.