Яаралтай түргэн тусламжийн машинд зам тавьж өгөөгүйн улмаас осол гарч, түргэн тусламжийн эмч хүнд гэмтжээ. Тодруулбал, нийслэлийн Яаралтай түргэн тусламжийн автомашин дуудлагын дагуу гэртээ төрсөн эх, нярайд тусламж үзүүлж, дутуу төрсөн нярайг эмнэлэг рүү тээвэрлэх явцдаа осолд орсон байна.

Цагдаагийн байгууллагаас мэдээлснээр урсгал сөрөн явж байсан түргэний машин, хурдтай орж ирсэн автомашинтай мөргөлджээ. Улмаар нярайг тэвэрч явсан эмч тархины хүнд гэмтэл авч Гэмтэл согог судлалын үндэсний төв/ ГССҮТ/-д хүргэгдсэн байна. Одоогоор шалгалтын ажиллагааг үргэлжлүүлэн явуулж байна.