Дэлхий нийтэд Хуанжу гэг гэдгээр алдаршсан жүжигчин Вики Жао нөхөр Хуан Юлунгаасаа салсан тухайгаа "Weibo" цахим хуудаснаа мэдэгдэв. Энэ нь олон нийтийн таамгийг бататгасан явдал болжээ. "Миний шударга гүнж" олон ангит кино, "Шаолины хөл бөмбөг" зэрэг кинонд бүтээсэн дүрээрээ танигдсан Жао нөхрийнх нь санхүүгийн асуудал улам хүндэрч байсан тул салах болсон гэж тайлбарласан байна.

Тэрбээр Бямба гаригт "Weibo" сайтад "Би Хуангаас олон жилийн өмнө албан ёсоор салсан бөгөөд бидний гэрлэлт хууль ёсоор цуцлагдаад удаж байна" гэж бичжээ.

Мөн "Хуантай холбоотой аливаа үйл явдал, мэдэгдэл, мэдээтэй холбохгүй байхыг хүсч байна" гэж уриалсан аж. Жао олон улсад танигдсан дүр бүтээхээс гадна хэд хэдэн бизнес эрхэлдэг бөгөөд 14 настай охинтой юм. Тэрбээр өдгөө 48 настай бөгөөд өнгөрсөн хугацаанд татварын асуудлаас болж олон нийтийн нүднээс нуугдаж байсан.