Хятадын өмнөд хэсгийн Жухай хотын стадион руу автомашинтай этгээд дайран орсноос болж спортоор хичээллэж байсан 35 хүн амиа алдсан хэрэг арваннэгдүгээр сарын 11-нд гарсан. Уг хэргийг үйлдсэн Фань Вэйцюг гэгчид олон нийтийн аюулгүй байдалд заналхийлсэн гэх хэргээр цаазын ял оноожээ.

Уг халдлага нь Хятад улсад сүүлийн 10-аад жилд тохиолдоогүй хамгийн олон хүний аминд хүрсэн хэрэг байв.

62 настай Фань Вэйцюг гэрлэлтээ цуцлуулсны дараа өмч хөрөнгийн хуваалтад сэтгэл дундуур байсан гэдгээ шүүхэд мэдүүлжээ. Улмаар гүйлтийн замаар, олны дундуур машинаа өндөр хурдтай жолоодохоор шийдсэн аж. Шүүх түүний сэдлийг онц харгис гэж тодорхойлжээ.