Цахим орчинд хууль бусаар мөрийтэй тоглоом зохион байгуулж, иргэдэд их хэмжээний хохирол учруулсан гэх иргэнийг өчигдөр /2024.12.25/ Тайланд улсаас Монголд албадан авч иржээ.

Тэрбээр олон улсын мөрийтэй тоглоомын "Poker" аппликейшнд олон тооны өрөө үүсгэн монгол иргэдийн дансыг ашиглан хууль бусаар их хэмжээний ашиг олсон болох нь мөрдлөгөөр тогтоогдсон байна.

Түүнчлэн түүний хамаарал бүхий 40 гаруй иргэнийг тус хэрэгт холбогдуулан шалгаж, хууль бус үйл ажиллагааны улмаас олсон орлогоор худалдан авсан байж болзошгүй дөрвөн тэрбум орчим төгрөгийн хөдлөх, үл хөдлөх хөрөнгийг илрүүлжээ. Одоогоор цагдаагийн байгууллагаас шалгалтын ажиллагааг үргэлжлүүлэн явуулж байна.