Азербайжаны агаарын тээврийн "J2-8243" онгоц Казахстаны Актау хотын ойролцоо ослын буулт хийх гэж байгаад шатжээ. Тус онгоцонд 67 хүн байснаас 38 нь амиа алдсан байна. Зорчигчдын ихэнх нь Азербайжаны иргэд байсан бөгөөд бусад нь Орос, Казахстан, Киргизстаны зорчигчид байжээ.

Онгоц ОХУ-ын Грозный хотыг чиглэн явж байсан ч манангийн улмаас чиглэлээ өөрчилсөн аж. Бичлэг харвал онгоц өндөр хурдтайгаар доош унаж байв. Онгоц Азербайжаны нийслэл Бакугаас Лхагва гаригийн 03:55 цагт хөөрч, 06:28 цагийн орчимд осолджээ.

Оросын зарим хэвлэлд уг онгоцыг осолдохоосоо өмнө шувуун сүрэгтэй мөргөлдсөн байж магадгүй гэжээ. Онгоцны хар хайрцагны бичлэг олдсон гэдгийг албаныхан мэдээлж буй. Азербайжан, Казахстан аль аль нь энэ хэргийн талаар мөрдөн байцаалтын ажиллагаа эхлүүлээд байна.