Сирийн шинэ удирдагчид Мягмар гаригт  босогчдын бүлгийг татан буулгаж, Батлан ​​хамгаалах яамны харьяанд нэгтгэх тохиролцоонд хүрснээ зарлав. Уулзалтад Сирийн зүүн хойд хэсгийн бүс нутгийг хянадаг АНУ-ын дэмжлэгтэй Курд хүчний төлөөлөгчид оролцоогүй.
Удирдагч аль-Шараагийн Хаят Тахрир аль-Шам (HTS) бүлэглэл Алеппод гэнэтийн дайралт хийсний дараа ерөнхийлөгч Башар аль-Ассад Сириэс оргон зайлснаас хойш хоёр долоо хоног гаруйн өнгөрснөөр босогчид тарах тухай мэдэгдэл гарч байна. Түүнчлэн, аль-Шараа мэдэгдэлдээ, шинэ эрх баригчид улсын хяналтаас гадуур зэвсэг байхыг огт зөвшөөрөхгүй гэдгийг онцолжээ. Энэ нь Курд тэргүүтэй Сирийн ардчилсан хүчинд (SDF) ч хамаатай гэж тэрбээр нэмж мэдэгдсэн юм. 

“SDF”-ийн хэвлэлийн төлөөлөгч Фархад Шами хэлэхдээ,курд бүлгийг үндэсний зэвсэгт хүчинд нэгтгэх асуудлыг шууд хэлэлцэх ёстой асуудал тул ойрын хугацаанд шийдвэр гарах аж. Тэрбээр нэгдэх боломжийг үгүйсгээгүй бөгөөд Ассадыг унагаасан дайчид Сирийг бүхэлд нь хүчирхэгжүүлнэ гэжээ.