ОХУ-ын ачаа тээврийн хөлөг онгоц Мягмар гаригт Газар дундын тэнгист живж, багийн хоёр гишүүн сураггүй болоод байна. Хөлгийн баг 16-уулаа байсан боловч 14 хүнийг нь л аварч, Испанид авчирсан аж. Хөдөлгүүрийн тасалгаанд дэлбэрэлт болсны улмаас уг хөлөг живжээ.

"Урса майор" ачаа тээврийн хөлгийг 2009 онд бүтээсэн бөгөөд ОХУ-ын Батлан ​​хамгаалах яамны цэргийн барилга угсралтын үйл ажиллагааны нэг хэсэг болох "Оборонлогистика" компанид харьяалагддаг. АНУ 2022 онд Оросын армитай холбоотой гэх үндэслэлээр "Урса майор" хөлөг болон эзэмшигч компанид хориг арга хэмжээ авчээ.

Испанийн Далайн аврах алба Алмейра эргээс 90 гаруй км зайд гамшгийн дохио хүлээн авсан байна. Улмаар ослын газар руу хоёр хөлөг онгоц, нэг нисдэг тэрэг илгээж, амьд үлдсэн багийн 14 гишүүнийг Испанийн Картахена боомт руу аваачсан байна. Хөлгийн багийнхны мэдээлснээ хөлөг онгоц хоосон чингэлэг болон крануудыг тавцан дээрээ тээвэрлэж явжээ. Тухайн крануудыг Владивостокийн боомтод суурилуулахаар төлөвлөж байжээ.