Олон нийтийн цахим сүлжээнд "CU"-ийн нэгэн салбар дэлгүүр болон худалдагч охиныг дээрэмдэж буй бичлэг цацагдсан. Тэгвэл тус хэрэгтэй холбогдуулан шалгалт зохион байгуулж байна.

Цагдаагийн ерөнхий газрын хэвлэл мэдээллийн төвийн мэдэгдэлд "Энэ оны 12 дугаар сарын 21-ний өдөр цагдаагийн байгууллагад "Баянгол дүүргийн нутаг дэвсгэрт байрлах CU-д цагаан курткатай 18 орчим насны хүн дэлгүүрээс юм авах гэж байгаа юм шиг тойрч явж байснаа цаасны хутга тулгаж, айлган сүрдүүлж, гар утас, бэлэн мөнгө зэргийг дээрэмдчихлээ" гэх дуудлага, мэдээлэл ирсэн.Дуудлага, мэдээллийн дагуу шалгалтын ажиллагаа явуулж, тус гэмт хэргийг үйлдсэн “М”-ыг Баянзүрх дүүргийн нутаг дэвсгэрээс олж тогтоон шалгалтын ажиллагааг явуулж байна. Сэжигтэй этгээд “М” нь өмнө энэ төрлийн гэмт хэрэгт холбогдон шалгагдаж байсан байна" гэлээ.