Цахим спортын "CS2" төрлийн хамгийн том платформ болох "HLTV"-ийн зүгээс энэ оны шилдгүүдээ тодруулахад бэлэн болжээ. Нийт арван номинацид нэр дэвшигчдийг зарласан бөгөөд финалын шатанд үлдэгсдийг арванхоёрдугаар сарын 28-ны өдөр албан ёсоор танилцуулж, ирэх оны нэгдүгээр сарын 11-ны ялагчдад шагналыг нь гардуулах арга хэмжээ болох аж. Монголын "The MongolZ" багийнхан анх удаагаа энэхүү шагналд нэр дэвшицгээв.

Оны шилдэг AWPer буюу мэргэн буудагчийн шагналд нэр дэвшигчид

Энэхүү шагналд "The MongolZ"-оос "910" буюу Б.Өсөхбаяр нэр дэвшжээ. Тэрбээр "Yalla Compass"-ийн шилдэг тоглогчоор шалгарсан билээ. Энэ шагналын гол өрсөлдөгчдөөр "m0NESY", "ZywOo", "sh1ro" нар нэрлэгдэж буй.

Оны шилдэг Opener-т нэр дэвшигчид /Т талаас галын шугам руу хамгийн түрүүнд ордог үүрэг роль/

Энэхүү шагналд "The MongolZ"-оос "Senzu" буюу М.Азбаяр нэр дэвшжээ. Түүний хувьд багт нэгдсэн цагаасаа олон гайхалтай буудалтуудыг толилуулсан. Энэ шагналд ямар өрсөлдөгчгүй "donk" ялна гэж мэргэжилтнүүд үзэж байна. 17 настай орос хүү сүүлд Мэйжорт түрүүлсэн амжилттай.

Оны шилдэг Closer-т нэр дэвшигчид /Т талаас багийнхаа нөхдийн арыг дааж, эгзэгтэй мөчид тодордог үүрэг роль/

Энэ шагналд "ropz", "b1t", "jL", "Spinx" нар гол өрсөлдөөнийг үзүүлнэ.

Оны шилдэг Anchor-т нэр дэвшигчид /СТ талдаа үүрээ хамгаалдаг үүрэг роль/

Энэхүү шагналд "The MongolZ"-оос "mzinho" буюу Б.Аюуш нэр дэвшив. Түүний сүүлийн тоглолтууд гайхалтай байсан. Ялангуяа Мэйжорын хасагдах болон плей-оффын шатанд өөрийн бүрэн утгаар нь дэлхий нийтэд харуулсан билээ.

Оны шилдэг IGL-т нэр дэвшигчид /Багийн ахлагчид багийнхаа тактик, хувилбарыг боловсруулж, тэдний дуудлагаар бусад нь тоглодог/

Энэхүү шагналд "The MongolZ"-оос "bLitz" буюу Б.Гарьдмагнай нэр дэвшив. Түүний удирдлага дор "The MongolZ" баг Азийн төдийгүй дэлхийн шилдэг баг болсон.

Оны шилдэг дасгалжуулагчийн шагналд нэр дэвшигчид

Энэхүү шагналд "The MongolZ"-оос "maaRaa" буюу Б.Эрдэнэдалай нэр дэвшжээ. Өсвөр насны хүүхдүүдийг дэлхийн шилдэг болгоход түүний гавьяа үлэмж бий.

Оны шилдэг буудалтад нэр дэвшигчид