Швейцарийн Берн дэх Альпийн нуруунд шинэ дүүжин тээвэр нээгджээ. "Schilthorn" нэртэй дүүжин тээвэр таныг Жеймс Бондын "On Her Majesty’s Secret Service" кинонд гардаг ресторанд хүргэх болно.

Юу юунаас илүүтэй нь тус дүүжин тээвэр дэлхийн хамгийн эгц гэдгээрээ сонирхол татна. Тодруулбал, та 159.4 градусын налуугаар дөрвөн минутын дотор 775 метр замыг туулан уулын оройд гарах юм. Энэ нь Стечелберг тосгоныг далайн түвшнээс дээш 1650 метрийн өндөрт орших машингүй Мюррен тосгонтой холбодог.

Шинэ дүүжин тээврийг Гиннесийн амжилтаар хараахан бүртгээгүй байна. Гэхдээ Швейцарийн хувьд үүнтэй ижил төстэй өөр хэд хэдэн амжилтыг эзэмшдэг гэдгээрээ алдартай. Тухайлбал, дэлхийн хамгийн эгц төмөр зам 2017 онд Швейцарийн Стоос тосгонд нээгдсэн. Энэ нь 110 градусын налуу бөгөөд 743 метрийн өндөрт гардаг. Мөн Люцерн хотод дэлхийн хамгийн анхны дээвэргүй дүүжин тээврийг нэвтрүүлжээ.