Японы эрх баригчид хуурамч паспорттой тэмцэх зорилгоор дэвшилтэт технологи ашиглаж шинэ паспорт гаргажээ. Үүнийг НҮБ-ын харьяа Олон улсын иргэний нисэх байгууллагын зөвлөмжийн дагуу хийсэн аж. Японы Гадаад хэргийн яам Баасан гаригт уг шинэ паспортыг танилцуулсан бөгөөд нүүр зургийн хэсгийг цаасны оронд хатуу хуванцраар хийсэн байна.

Мөн хувийн мэдээллийг агуулсан IC чиптэй. Гэрэл зураг, нэр болон бусад мэдээллийг лазераар хэвлэсэн аж.

Паспортыг Үндэсний хэвлэлийн товчооноос олгох бөгөөд захиалагчид хоёр долоо хоногоос нэг сар хүлээх ёстой. Тус улсын иргэд ирэх долоо хоногоос эхлэн шинэ паспортоо захиалах боломжтой бөгөөд 2025 оны гуравдугаар сарын 24-ний өдрөөс эхлэн ашиглагдахаар төлөвлөгджээ.

Гадаад хэргийн сайд Ивая Такеши хэлэхдээ, уг шинэ паспорт нь иргэдийн аюулгүй байдал, хувийн мэдээллийг хамгаалах үүрэгтэй юм.