Монголын үндэсний олимпийн хорооноос 2003 оноос хойш зохион байгуулсан “Бөртэ-чоно” наадмын 2024 оны шилдгүүд өчигдөр/2024.12.19/ тодорлоо. Спортын салбарын шилдгүүдийг тодруулдаг тус наадам шилдгийн шилдэг тамирчин, шилдэг эрэгтэй, эмэгтэй тамирчин, шилдэг залуу тамирчин, шилдэг дасгалжуулагч, шилдэг шүүгч, шилдэг холбоо гээд спортын салбарын шилдгүүдийг тодруулдаг билээ.

• Шилдэг олимпийн танхим – Нийслэлийн ерөнхий боловсролын 69 дүгээр сургуулийн “Лондон 2012” олимпийн танхим
• Шилдэг олимпийн зөвлөл – Говь-сүмбэр аймгийн “Антверпен” олимпийн зөвлөл
• Олимпийн шилдэг зүтгэлтэн – Ц.Раднаа /хөнгөн атлетикийн ахмад тамирчин/
• Шилдэг спортын сэтгүүлч – Ж.Цэцэгмаа
• Шилдэг спортын бүтээн байгуулалт – Дархан-Уул аймгийн “United arena” спорт цогцолбор
• Спортын шилдэг ивээн тэтгэгч байгууллага – Моннис групп, Келме брэнд
• Шилдэг шүүгч – Ц.Цогтгэрэл /бокс/, Л.Одгэрэл /хүндийн өргөлт/
• Шилдэг дасгалжуулагч – М.Бундмаа /жүдо бөх/, Ц.Цогтбаяр /чөлөөт бөх/
• Шилдэг холбоо – Жүдо бөхийн холбоо, чөлөөт бөхийн холбоо, таеквондогийн холбоо, гимнастикийн холбоо, жюү жицүгийн холбоо
• Паралипмийн шилдэг тамирчин – У.Сүрэнжав /таеквондо/
• Шилдэг залуу тамирчин – Т.Ариунзаяа /жүдо бөх/
• Оны онцлох – "Mongolia House" төслийг хэрэгжүүлэгч "Хүслийн дуудлага" ТББ
• Шилдэг баг – 3х3 сагсан бөмбөгийн эмэгтэйчүүдийн шигшээ баг
• Шилдэг тамирчин – С.Цэрэнчимэд /чөлөөт бөх/, М.Анхцэцэг /хүндийн өргөлт/
• Шилдэг тамирчин – Б.Сэр-Од /хөнгөн атлетик/, Т.Тулга /чөлөөт бөх/
• Шилдгийн шилдэг тамирчин – Б.Баасанхүү /жүдо бөх/
• Шилдгийн шилдэг тамирчин – Л.Анхзаяа /жүдо бөх/
• Шилжин явах цомын эзэн – Б.Баасанхүү /жүдо бөх/

Т.Баасанхүү хүндэтгэн үзэх шалтгааны улмаас өөрийн биеэр хүрэлцэн ирж чадаагүй. Тиймээс түүний "Бөртэ чоно" болон шилжин явах цомыг гавьяат тамирчин М.Уранцэцэг гардан авсан юм. Энэ жилийн наадамд жүдо бөхийн холбоонд шагналын хур буулаа. Тэд нийт таван "Бөртэ чоно"-ын эзэн болжээ.

Мөн зодог тайлж буйгаа зарласан М.Анхцэцэг сүүлийн удаа тамирчны хувиар "Бөртэ чоно"-оо гардав. Тэрбээр саяхан болж өнгөрсөн хүндийн өргөлтийн ДАШТ-ээс хүрэл медаль хүртсэн билээ.