ТАНИЛЦ: Хүүхдэд зориулсан үзвэр, арга хэмжээнүүд

Ерөнхий боловсролын сургуулийн сурагчдын нэгдүгээр улирлын амралт энэ сарын 23-наас эхэлнэ. Тэгвэл сурагчдын амралтын үеэр оролцож болох үйл ажиллагаа, үзвэр үйлчилгээний талаар мэдээллийг нэгтгэн хүргэж байна.

"ORI WINTER PARK"-ИЙН НЭЭЛТ БОЛНО

"ORI WINTER PARK" арга хэмжээний онцлох хэсгүүд: Мөсөн гулгуурын талбай, үзэсгэлэнт гэрлэн чимэглэлтэй цэцэрлэг, олон төрлийн хөгжилтэй тоглоомын хэсгүүд, хүүхдэд зориулсан гайхалтай энтертайнмент тоглолтууд, сансар од эрхсийн ордон “Астропарк”, кино үзвэр, гэр бүлийн караоке, PlayStation өрөө, төөрдөг байшин, зураг зурах, cupcake хийх, Сантатай зургаа авхуулах зэрэг олон төрлийн, сонирхолтой үйл ажиллагаанд оролцох боломжтой. Нээлтийн арга хэмжээ арванхоёрдугаар сарын 21-нд 09:00-18:00 цагийн хооронд болно.

No description available.

“UB ROBOT CHALLENGE-2024” ТЭМЦЭЭН БОЛНО

Өсвөр насны хүүхдүүдэд технологийн суурь мэдлэг олгох, инновацын соёлыг түгээн дэлгэрүүлэх, хүүхэд залуучуудын техник сэтгэлгээг хөгжүүлэхэд дэмжлэг үзүүлэх, техник технологийн дэвшилтэй танилцах, багаар ажиллах чадварыг нэмэгдүүлэх зорилгоор “UB ROBOT CHALLENGE-2024” тэмцээнийг арванхоёрдугаар сарын 21-ний өдөр “Монгол тэмүүлэл” сургууль дээр хоёр дахь жилдээ зохион байгуулах гэж байна. Тус тэмцээнд төрийн өмчийн болон хувийн хэвшлийн сургуулиудын II-XII дугаар ангийн сурагчид, их дээд сургууль болон коллежийн оюутнууд, техник технологит сонирхолтой залуус оролцох боломжтой. Тэмцээнийг нийслэлийн Бизнес, инновацын газар, нийслэлийн Боловсролын газар, Улаанбаатар роботын боловсролын нийгэмлэгээс үндсэн 12 төрлөөр зохион байгуулна.

May be an image of text

"ЗӨРҮҮД ГРИНЧ" ЗУЛ САРЫН САХИЛГАГҮЙ ДРАМ

Доктор Сьюзийн "Гринч – Зул сарыг хулгайлсан нь" зохиолоос сэдэвлэн Улаанбаатар театр, Маппет театр хамтран "Зөрүүд Гринч" зул сарын сахилгагүй драмын жүжгийг арванхоёрдугаар сарын 20-29-ний өдрүүдэд тоглох гэж байна. Хэний ч үл мэдэх Хэн нэртэй хотод ийм нэгэн үйл явдал болох гээд л хүмүүс үймрэлдэн сандралдаж байтал тээр тэнд уулын агуйд над шиг биш чам шиг биш зөрүүд Ноён Гринч үнэнч туслах Максын хамт өдөр хоногийг эморч өнгөрүүлнэ. Энэ бүх үйл явдал нэг л баяртай холбоотой, тэр бол хүн бүхний дуртай ч хөгшин Гринчийн үзэн яддаг Зул сарын баяр! Баярыг тойрсон адал явдал, хөгжилтэй, баяртай, бахархам түүхийг нүдээрээ, чихээрээ, хамраараа, арьсаараа, үсээрээ мэдрэхийг хүсвэл "ЗӨРҮҮД ГРИНЧ" зул сарын сахилгагүй драмын жүжгээс үзээрэй.

"ЦӨМӨӨЧ ХАНХҮҮ БА ХУЛГАНЫ ХААН" ХҮҮХДИЙН БАЛЕТ

"ОУ-ын Урлаг Боловсролын Хөгжлийн Академиас зохион байгуулж байгаа "Дэлхийн соёл Монгол хүүхдэд" төслийн хүрээнд "Цөмөөч ханхүү ба хулганы хаан" балетыг шинэ жилийн өмнө уламжлал болгон 2 дахь жилдээ амжилттай зохион байгуулж байна. "Цөмөөч ханхүү ба хулганы хаан" балет арванхоёрдугаар сарын 28,29 өдрүүдэд Соёлын төв өргөөнд тоглоно.

THE CHILDREN’S EVE ХҮҮХДИЙН ШИНЭ ЖИЛИЙН ЦЭНГҮҮН БОЛНО

Бяцхан ноёд, хатагтай нартаа зориулан THE CHILDREN’S EVE хүүхдийн шинэ жилийн цэнгүүнийг арванхоёрдугаар сарын 28-нд Буянт Ухаа спортын ордонд зохион байгуулах юм байна.