Хятадын хоёр сансрын нисгэгч Мягмар гаригт есөн цагийн турш сансрын алхалт хийсэн нь 2001 онд АНУ-ын тогтоосон рекордыг давсан гэж үзэж байна. Тодруулбал, Шенжоу-19 сансрын нислэгийн багийн гишүүд болох Цай Сюже, Сүн Линдун нар 22 цагийн өмнөхөн сансрын алхалт гэгддэг хөлгөөс  гадуурх есөн цагийн үйл ажиллагааг дуусгав. “NASA”-гийн мэдээлснээр, 2001 оны гуравдугаар сарын 12-нд АНУ-ын сансрын нисэгч Жеймс Восс, Сюзан Хелмс нар найман цаг 56 минут буюу өмнөх дээд амжилтыг тогтоож байжээ.

Хятад улс сансар огторгуйн салбарт чадварлаг байдлаа батлахын тулд ихээхэн хүчин чармайлт гаргаж байна. Харин АНУ тэргүүтэй улс орнууд зөвхөн шинжлэх ухааны ашиг тусын төлөө бус нөөц баялаг, үндэсний аюулгүй байдлыг харгалзан үзэхийг улам бүр эрэлхийлэх болжээ. Хятадын Үндэсний сансар судлалын агентлаг сүүлийн жилүүдэд хамгийн төвөгтэй гэгддэг  роботын сарны нислэгийг гүйцэтгэсэн бөгөөд энэ оны эхээр сарны харанхуй талаас дээж авч чадсан анхны орон болсон юм. Мөн тус улс саран дээр газардсан хоёр дахь орон болохын төлөө зүтгэж байгаа бөгөөд 2030 он гэхэд хөөрөх сансрын тусгай багт зориулсан өмсгөлөө танилцуулжээ.